30,000 இந்திய மாணவர்களை வரவேற்கும் பிரான்ஸ் கல்வி திட்டம்: எளிதான விசா, கல்விச் சலுகை விவரங்கள் இதோ

2030 ஆம் ஆண்டுக்குள் பிரான்ஸ் அதன் புகழ்பெற்ற பல்கலைக்கழகங்களில் 30,000 இந்திய மாணவர்களைச் சேர்க்கும் இலட்சியமான திட்டத்தை அறிவித்துள்ளது.

30,000 இந்திய மாணவர்கள் சேர்க்கை

30,000 இந்திய மாணவர்களை பிரான்ஸ் அதன் புகழ்பெற்ற பல்கலைக்கழகங்களில் 2030 ஆம் ஆண்டுக்குள் சேர்க்கும் திட்டத்தை அறிவித்துள்ளது.

இது இந்தியாவுடனான கல்வி மற்றும் கலாச்சார உறவுகளை பலப்படுத்தும் முக்கிய நடவடிக்கையாக பார்க்கப்படுகிறது.

பிரான்ஸ் அரசாங்கம் அறிவித்துள்ள இலட்சியமான திட்டத்தை வெற்றிக்கரமாக கொண்டு செல்ல என்ன நடவடிக்கைகள் எடுக்கப்பட்டுள்ளது. அவற்றில் உள்ள பல்வேறு அம்சங்கள் என்ன என்பது குறித்து பார்ப்போம்.

ரூ.2 லட்சம் கோடி நிறுவனம்.,“கனடாவின் வாரன் பஃபெட்” என அழைக்கப்படும் இந்தியர் யார்? சொத்து மதிப்பு

விசா முறை எளிமைப்படுத்தல்

 இந்திய மாணவர்களுக்கு மிகப்பெரிய சவாலாக இருந்து வந்தது விசா முறை. தற்போது, பிரான்ஸ் நீண்ட கால விசாக்களை வழங்குவதோடு, ஆவண தேவைகளையும் எளிமைப்படுத்தி வருகிறது.

மேலும், பிரான்ஸ் நாட்டில் முதுநிலைப் பட்டம் அல்லது அதற்கு மேற்பட்ட பட்டம் பெற்றவர்கள் 5 ஆண்டு கால ஷெங்கன் குறுகிய தங்கல் விசாவைப் பெறலாம். இதன் மூலம் பயணம் மற்றும் தொழில்முறை வாய்ப்புகள் எளிதாகும்.

மொழி தடையல்ல

மொழி பிரச்சனைகளை கருத்தில் கொண்டு பிரான்ஸ் பல்வேறு துறைகளில் ஆங்கிலம் மற்றும் பிற மொழிகளில் சர்வதேச வகுப்புகளை அறிமுகப்படுத்தி வருகிறது.

இதன் மூலம், முறையான பிரெஞ்சு மொழிப் பயிற்சி இல்லாத இந்திய மாணவர்கள் அதிக பல்கலைக்கழகங்களில் சேர அனுமதிக்கிறது. அத்துடன், இந்தியப் பள்ளிகளில் பிரெஞ்சு மொழி கற்றலை ஊக்குவிக்கும் முயற்சிகளும் மேற்கொள்ளப்பட்டு வருகின்றன.

பிரான்ஸை தொடர்ந்து இலங்கை, மொரிஷியஸில் UPI! இந்திய டிஜிட்டல் சுற்றுலா புரட்சியின் முழு விவரம்

இரு நாடுகளுக்குமான பயன்கள்

இந்திய மாணவர்கள் அதிகரிப்பது இரு நாடுகளுக்கும் பயனளிக்கும். உலகத் தரம் வாய்ந்த கல்வியும் பல்வேறு கலாச்சார அனுபவங்களும் இந்திய மாணவர்களுக்குக் கிடைக்கும் அதே நேரத்தில், பிரான்ஸ் நாட்டின் கல்வித் துறைக்கும் சர்வதேச அங்கீகாரத்திற்கும் ஊக்கமாக அமையும்.

இந்தோ-பசிபிக் பிராந்திரத்தில் உறவுகளை வலுப்படுத்தும் ஒரு மூலோபாய நடவடிக்கையாகவும் இது பார்க்கப்படுகிறது.

கல்வியைத் தாண்டி

கலாச்சார ஈடுபாட்டின் முக்கியத்துவத்தை பிரெஞ்சு அரசு அங்கீகரிக்கிறது. இளம் தலைமுறைகளிடையே ஆழமான இணைப்புகளையும் புரிதலையும் ஏற்படுத்தும் வகையில், கல்விச் சலுகைகள், மாணவர் பரிமாற்றத் திட்டங்கள் மற்றும் கூட்டு ஆராய்ச்சி திட்டங்கள் விரிவுபடுத்தப்படுகின்றன.

இந்திய மாணவர்களுக்கு வசதியான தங்குமிடம் கிடைப்பதை உறுதி செய்வதோடு, பிரெஞ்சு பல்கலைக்கழகங்களை அவர்களுக்கு இனிமையான சூழலாக மாற்றுவதற்கான முயற்சிகள் மேற்கொள்ளப்பட்டு வருகின்றன.

சவால்கள்

இந்த முயற்சிகள் நம்பிக்கை அளிப்பவை என்றாலும், சவால்களும் உள்ளன. அதிகரிக்கும் மாணவர்களை கவனித்துக்கொள்ள போதுமான கட்டமைப்புகளையும் வளங்களையும் உறுதி செய்வது அவசியம்.

இந்த வாய்ப்புகள் பற்றிய விழிப்புணர்வை, குறிப்பாக பல்வேறு பின்னணிகளில் இருந்து வரும் இந்திய மாணவர்களிடையே ஏற்படுத்துவது அவசியம்.

பிரான்ஸ் அதிபர் இம்மானுவேல் மக்ரோன்

பிரான்ஸ் ஜனாதிபதி இம்மானுவேல் மக்ரோன் இந்த திட்டத்தை "மிகவும் இலட்சியமான இலக்கு" என்று வர்ணித்ததோடு, “இதைச் செய்து முடிப்பதற்கு நான் உறுதியாக இருக்கிறேன்" என்று கூறினார். "இந்தியா இளம் மற்றும் இயக்கமான மக்கள்தொகையைக் கொண்டுள்ளது.

அவர்களுக்கு திறமையான பணிகளை வழங்குவதற்கும், வளர்ச்சிக்கு பங்களிப்பு செய்வதற்கும் நல்ல கல்வி முக்கியம். அதே நேரத்தில், பிரெஞ்சு பல்கலைக்கழகங்கள் இந்திய மாணவர்களின் பன்முகத்தன்மையால் செழிப்படையும்" என்று மேலும் தெரிவித்தார்.