ஜப்பானில் 6.3 ரிக்டர் நிலநடுக்கம்! சுனாமி எச்சரிக்கையால் மக்கள் பீதி
ஜப்பானின் கிழக்கு கடற்கரை பகுதியில் 6.3 ரிக்டர் என்ற அளவில் நிலநடுக்கம் பதிவாகியுள்ளது.
ஜப்பானில் நிலநடுக்கம்
ஜப்பானின் முதன்மை தீவான ஹோன்ஷூவின்(Honshu) கிழக்கு கடற்கரையை வியாழக்கிழமை, ஏப்ரல் 4 ஆம் திகதி பலத்த நிலநடுக்கம் தாக்கியுள்ளது.
ஐரோப்பிய-மத்தியதரையக நிலநடுக்க ஆய்வு மையம் (EMSC) தரவின்படி, ரிக்டர் அளவில் 6.3 ஆக பதிவான இந்த நிலநடுக்கம் 32 கிமீ (19.88 மைல்) ஆழத்தில் இருந்ததாகவும், இதன் அதிர்வுகள் கடலோர பகுதிகளில் கடுமையாக உணரப்பட்டது என தெரியவந்துள்ளது.
#earthquake M 6.1 - NEAR EAST COAST OF HONSHU, JAPAN - 2024-04-04 03:16:31 UTC - 40KM pic.twitter.com/0dudy2EF9Z
— SSGEOS (@ssgeos) April 4, 2024
ஜப்பானில் ஏற்பட்ட நிலநடுக்கத்தால் உயிரிழப்பு அல்லது பெரும் சேதங்கள் ஏற்படவில்லை என்று தற்போது தகவல்கள் கிடைத்துள்ளன.
இருப்பினும், உள்ளூர் அதிகாரிகள் சூழ்நிலையை மதிப்பீடு செய்து முன்னெச்சரிக்கையாக சுனாமி எச்சரிக்கையை வெளியிட்டுள்ளனர்.
தைவான் நிலநடுக்கம்
ஜப்பானின் இந்த நிலநடுக்கம், அண்டை நாடான தைவானை 7.4 ரிக்டர் அளவிலான சக்தி வாய்ந்த நிலநடுக்கம் தாக்கிய ஒரு நாள் கழித்து வந்துள்ளது.
இந்த நிலநடுக்கத்தில் ஒன்பது பேர் உயிரிழந்து 1,000 க்கும் மேற்பட்டோர் காயமடைந்தனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Japan Earthquake Today: 6.3 Magnitude Tremor Hits East Coast,
Tsunami Warning Japan? 6.3 Earthquake Strikes Honshu,
Breaking: Earthquake in Japan! East Coast Shaken by 6.3 Tremor,