லங்காசிறி FM
5 நாடுகளை இணைக்கும் 1,028 கிலோமீட்டர் நெடுஞ்சாலை! மேற்கு ஆப்ரிக்காவின் தலைவிதியை மாற்றவுள்ள திட்டம்
மேற்கு ஆப்ரிக்காவை மாற்றும் பிரம்மாண்ட திட்டமாக 1,028 கிலோமீட்டர் நெடுஞ்சாலை கட்டப்படவுள்ளது.
மேற்கு ஆப்ரிக்காவில் அபிஜான்-லகோஸ் நெடுஞ்சாலை திட்டம் (Abidjan-Lagos Corridor Highway Development Project) என்பது 1,028 கிலோமீட்டர் (639 மைல்) நீளமான ஆறு வழி நெடுஞ்சாலையாக உருவாக்கப்பட உள்ளது.
இது ஐந்து நாடுகளின் முக்கிய நகரங்களை இணைக்கும் பிரம்மாண்டமான திட்டமாகும்.
கோத் திவார் (அபிஜான்), கானா (அக்கிரா), டோகோ (லோமே), பெனின் (கோட்டோனோ) மற்றும் நைஜீரியா (லகோஸ்) ஆகிய நாடுகள் இதில் அடங்கும்.
இந்த நெடுஞ்சாலையின் முக்கிய நோக்கம் வர்த்தகத்தையும் மக்கள் இடையேயான போக்குவரத்தையும் எளிதாக்குவது ஆகும்.
இதன் மூலம் பொருளாதார வளர்ச்சி மற்றும் தொழில்துறை முன்னேற்றம் கிடைக்கும் என எதிர்பார்க்கப்படுகிறது.
இத்திட்டத்தின் மொத்த செலவு $15 பில்லியன் என மதிப்பீடு செய்யப்பட்டுள்ளது. 2026-ஆம் ஆண்டு கட்டுமானம் தொடங்கி 2030-ஆம் ஆண்டு முடிக்க திட்டமிடப்பட்டுள்ளது.
இந்த நெடுஞ்சாலை ECOWAS (மேற்கு ஆப்ரிக்க நாடுகளின் பொருளாதார குழு) தலைமையில் நடைபெறுகிறது. இதற்கான தொழில்நுட்ப ஆய்வுகளை ஆப்ரிக்கா அபிவிருத்தி வங்கி (AfDB), ஐரோப்பிய ஒன்றியம் மற்றும் திட்டத்தில் உள்ள நாடுகள் ஆதரிக்கின்றன.
பயன்கள் மற்றும் சவால்கள்
- 70,000 வேலைவாய்ப்புகள் உருவாகும் என எதிர்பார்க்கப்படுகிறது.
- போக்குவரத்து செலவுகளை குறைத்து, பொருளாதார வளர்ச்சியை தூண்டும்.
- நாடு முழுவதும் புதிய தொழிற்சாலைகள், தொழில் வாய்ப்புகள் உருவாகும்.
அதே நேரத்தில், நிதி திரட்டுதல், சுற்றுச்சூழல் பாதிப்புகள், நாடுகளிடையே ஒத்துழைப்பின்மை போன்ற சவால்கள் உள்ளன.
இருப்பினும், திட்டம் வெற்றிகரமாக செயல்பட்டால், மேற்கு ஆப்ரிக்காவின் வளர்ச்சியை புதிய உயரத்திற்கு கொண்டு செல்லும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
திருநெல்வேலி கிழக்கு, ஆவரங்கால், Montreal, Canada, Ottawa, Canada
24 Mar, 2025
நெடுந்தீவு மேற்கு, உருத்திரபுரம், மல்லாவி, England, United Kingdom, Toronto, Canada
23 Feb, 2025
