7000 சொகுசு கார்கள், உலகின் மிகப்பெரிய குடியிருப்பு அரண்மனை., யார் இந்த சுல்தான்?

உலகின் மிகப்பாரிய குடியிருப்பு அரண்மனை, 7000 சொகுசு கார்களின் உரிமையாளரான புருனே நாட்டின் சுல்தான் பற்றிய சுவாரசியமான தகவல்களை இங்கே பார்க்கலாம்.

சிங்கப்பூர் உட்பட இரு நாடுகளுக்கான சுற்றுப்பயணத்தின் முதல் கட்டமாக பிரதமர் நரேந்திர மோடி செவ்வாய்க்கிழமை புருணை சென்றடைந்தார்.

இருதரப்பு பயணமாக புருனே சென்ற முதல் இந்திய பிரதமர் மோடி என்பது குறிப்பிடத்தக்கது.

இந்த பயணத்தின் போது, "Brunei Darussalam உடனான இந்தியாவின் வரலாற்று உறவுகளை மேம்படுத்துவதிலும், சிங்கப்பூருடனான அதன் மூலோபாய கூட்டாண்மையை ஆழப்படுத்துவதிலும்" மோடி நம்பிக்கை தெரிவித்திருந்தார்.

வரலாற்று உறவை புதிய உயரத்திற்கு கொண்டு செல்ல சுல்தான் ஹாஜி ஹசனல் போல்கியா மற்றும் அரச குடும்பத்தின் பிற உறுப்பினர்களுடனான சந்திப்புகளை எதிர்நோக்கியிருப்பதாக மோடி கூறினார்.

உலகின் பணக்கார கிரிக்கெட் வீரர் யார் தெரியுமா? அவரது சொத்து மதிப்பு ரூ.70,000 கோடி.!

யார் இந்த சுல்தான் ஹாஜி ஹசனல் போல்கியா?

ஹாஜி ஹசனல் போல்கியா (Sultan Haji Hassanal Bolkiah) ஆகஸ்ட் 1, 1968 அன்று புருனேயின் 29-வது சுல்தானாக முடிசூட்டப்பட்டார். இவரது முழுப் பட்டம் மாட்சிமை தங்கிய சுல்தான் மற்றும் புருணை தாருஸ்ஸலாமின் யாங் டி-பெர்துவான் என்று செல்கிறது.

மறைந்த இரண்டாம் எலிசபெத் மகாராணிக்குப் பிறகு உலகின் மிக நீண்ட காலம் ஆட்சி செய்த இரண்டாவது மன்னர் இவர் ஆவார்.

95 ஆண்டுகளாக நாட்டை ஒரு பாதுகாவலராக (protectorate) வைத்திருந்த பின்னர் ஜனவரி 1, 1984 அன்று பிரித்தானியா முறையாக புருனேயில் இருந்து வெளியேறியது.

போல்கியா பொறுப்பேற்ற பிறகு, ஒரு உள்நாட்டு அதிகாரத்துவத்தை உருவாக்கத் தொடங்கினார், ஊழலை ஒடுக்கினார், குடிமக்களுடன் தொடர்புகொள்வதற்கும் தன்னை ஆட்சியாளராக உயர்த்துவதற்கும் நாடு முழுவதும் அடிக்கடி பயணம் செய்தார்.

இவருக்கு ராஜா இஸ்டேரி பெங்கிரன் அனாக் ஹாஜா சலேஹா என்ற மனைவியும், 5 மகன்களும், 7 மகள்களும் உள்ளனர். புருனே 600 ஆண்டுகளாக ஒரே அரச குடும்பத்தால் ஆளப்பட்டு வருகிறது.

ஜனாதிபதிக்கு சொந்தமான ரூ.400 கோடி சொகுசு விமானத்தை பறிமுதல் செய்த அமெரிக்கா

சுல்தான் போல்கியாவின் செல்வம் மற்றும் கார் சேகரிப்பு:

அவரது ஆடம்பரமான வாழ்க்கை முறைக்கு பெயர் பெற்ற சுல்தான் ஹசனல் போல்கியா, 30 பில்லியன் டொலர் சொத்து மதிப்புடன், உலகின் பணக்காரர்களின் பட்டியல்களில் தொடர்ந்து முதலிடத்தில் இடம்பெற்றுள்ளார்.

5 பில்லியன் டொலர் மதிப்புள்ள உலகின் மிகப்பாரிய தனியார் கார் சேகரிப்பையும் அவர் வைத்திருப்பதாக கூறப்படுகிறது.

அவரது சேகரிப்பில் 7,000-க்கும் மேற்பட்ட ஆடம்பரமான வாகனங்கள் உள்ளன, அவற்றில் 600 Rolls Royce கார்கள், அவருக்கு அதிகாரப்பூர்வ கின்னஸ் உலக சாதனையைப் பெற்றுத் தந்தன.

அவரது சேகரிப்பில் சில Bentley Dominator SUV, a Porsche 911 with Horizon Blue paint and an X88 power package மற்றும் 24 காரட் தங்க முலாம் பூசப்பட்ட Rolls-Royce Silver Spur II கார்கள் அடங்கும்.

Boeing 747-8(V8-BKH), Boeing 767-200 (V8-MHB) மற்றும் Boeing 787-8 (V8-OAS), அத்துடன் Sikorsky S70 மற்றும் Sikorsky S76 போன்ற ஹெலிகாப்டர்களை உள்ளடக்கிய விஐபி விமானங்களின் தனியார் விமானப்படையை சுல்தான் 1979 முதல் கொண்டுள்ளார்.

கனடாவில் இலங்கை, இந்திய மாணவர்கள் தங்கி படிக்க ஏற்ற 5 மலிவான நகரங்கள்

சுல்தான் போல்கியாவின் அரண்மனை

கின்னஸ் உலக சாதனைகளின் படி, சுல்தானின் முதன்மை இல்லமான இஸ்தானா நூருல் இமான், உலகின் மிகப்பாரிய குடியிருப்பு அரண்மனை ஆகும்.

இரண்டு மில்லியன் சதுர அடியில் கட்டப்பட்ட இந்த அரண்மனையில் தங்க குவிமாடங்கள், வால்ட் கூரை மற்றும் கிட்டத்தட்ட 1,800 அறைகள் உள்ளன என்று France 24 அறிக்கை தெரிவிக்கிறது.

இந்த அரண்மனையில் ஐந்து நீச்சல் குளங்கள், 257 குளியலறைகள், 110 வாகன நிறுத்துமிடங்கள் மற்றும் 30 வங்காள புலிகள் மற்றும் பல்வேறு பறவை இனங்களைக் கொண்ட ஒரு தனியார் உயிரியல் பூங்காவும் உள்ளது.

ஜஸ்டின் ட்ரூடோவை நேருக்கு நேர் விமர்சித்த தொழிலாளி., ஆதங்கத்தை கொட்டித் தீர்த்த காணொளி

Sultan of Brunei Haji Hassanal Bolkiah, Sultan Haji Hassanal Bolkiah, Brunei Sultan 7000 Car collections, Brunei Sultan palace, Modi In Brunei