லங்காசிறி FM
8 கண்கள், 8 கால்கள் கொண்ட அரிய தேள் இனம் கண்டுபிடிப்பு
தாய்லாந்தில் உள்ள தேசிய பூங்கா ஒன்றில் புதிய வகை தேள் இனம் கண்டறியப்பட்டுள்ளது.
இந்த பூமியில் இன்னும் எந்த மனிதனும் பார்த்திராத எத்தனையோ உயிரினங்கள் உள்ளன. பல விலங்கினங்களின் புதிய இனங்கள் அவ்வப்போது கண்டுபிடிக்கப்பட்டு வருகின்றன.
துணை வெப்பமண்டல ஆசியாவின் பெரும்பாலான பகுதிகள் இத்தகைய அரிய உயிரினங்களின் தாயகமாக இருக்கிறது.
புதிய உயிரினங்கள் அல்லது அவற்றின் புதைபடிவங்கள் இந்தியாவிலும் அதைச் சுற்றியுள்ள நாடுகளிலும் அடிக்கடி காணப்படுகின்றன.
தற்போது, தாய்லாந்தில் புதிய வகை தேள் இனம் கண்டுபிடிக்கப்பட்டுள்ளது, இது வனவிலங்கு ஆர்வலர்களிடையே மிகுந்த ஆர்வத்தை ஏற்படுத்தியுள்ளது.
இந்த வகை தேள் எட்டு கண்கள் மற்றும் எட்டு கால்கள் கொண்டது. இந்த இனம் Euskapiops குழுவிற்கு சொந்தமானது மற்றும் Euskapiops krachan என்று அழைக்கப்படுகிறது.
இந்த புதிய வகை தேள் (Scorpio Species) தாய்லாந்தின் Kaeng Krachan தேசிய பூங்காவில் கண்டுபிடிக்கப்பட்டது.
இது முன்னர் கண்டுபிடிக்கப்பட்ட எந்த தேள்களிலிருந்தும் வேறுபட்டது என்று விஞ்ஞானிகள் குழு கூறியுள்ளது.
இது குறித்து Zookeys இதழில் விரிவான அறிக்கை வெளியிடப்பட்டுள்ளது. ஆராய்ச்சியாளர்கள் Kaeng பூங்காவின் டென்சேரியம் மலைத்தொடரில் முகாமிட்டு, அதைக் கண்டறிய இரவும் பகலும் உழைத்தனர். இந்த வகை தேள்கள் பாறைகளுக்கு அடியில் வாழ்கிறது.
ஆராய்ச்சியாளர் 3 ஆண் மற்றும் ஒரு பெண் தேள் பற்றிய விரிவான ஆய்வை மேற்கொண்டுள்ளார். யூஸ்கார்பியோப்ஸ் கிளையினத்தின் அனைத்து தேள்களும் இந்த பண்புகளைக் கொண்டுள்ளன.
இவை மற்ற தேள் வகைகளை விட சிறிய உடலைக் கொண்டுள்ளன. அதிக பழுப்பு நிறம். பெண் தேள்கள் ஆண்களை விட அடர்த்தியானவை.
அவைகளுக்கு எட்டு கண்களும் எட்டு கால்களும் உள்ளன. இந்த கிளையினத்தின் தேள்கள் காத்திருந்து இரையை வேட்டையாடுகின்றன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
New scorpion species with 8 eyes and 8 legs, Thailand National Park, scorpion with 8 eyes
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
