லங்காசிறி FM
16 சிக்ஸர்களுடன் 142 ஓட்டங்கள் - பல சாதனைகளை படைத்த அபிஷேக் சர்மா
Karthikraja
in கிரிக்கெட்
அதிரடி சதத்தின் மூலம் அபிஷேக் சர்மா பல்வேறு சாதனைகளை படைத்துள்ளார்.
அபிஷேக் சர்மா அதிரடி சதம்
18 வது சையத் முஷ்டாக் அலி கோப்பை கடந்த நவம்பர் 26 ஆம் திகதி தொடங்கி டிசம்பர் 18 ஆம் திகதி வரை நடைபெற உள்ளது.
இன்று ஹைதராபாத்தில் நடைபெற்று வரும் லீக் போட்டியில், பஞ்சாப் மற்றும் வங்காள அணிகள் விளையாடி வருகிறது.
நாணய சுழற்சியில் வென்ற பஞ்சாப் அணி, முதலில் துடுப்பாட்டத்தை தேர்வு செய்தது.
பஞ்சாப் அணி 20 ஓவர்கள் முடிவில், 5 விக்கெட் இழப்பிற்கு 310 ஓட்டங்கள் குவித்துள்ளது. 311 என்ற வெற்றி இலக்குடன் களமிறங்கிய வங்காள அணி, 5.1 ஓவர்களில் 52 ஓட்டங்கள் எடுத்து 4 விக்கெட்களை இழந்து தடுமாறி வருகிறது.
அதிகபட்சமாக அணித்தலைவர் அபிஷேக் சர்மா 52 பந்துகளில் 8 பவுண்டரி 16 சிக்ஸர்களுடன் 142 ஓட்டங்கள் குவித்துள்ளார்.
அபிஷேக் சர்மா சாதனைகள்
இதன் மூலம், அபிஷேக் சர்மா பல்வேறு சாதனைகளை படைத்துள்ளார்.
வெறும் 12 பந்துகளில் அரைசதம் அடித்தன் மூலம், T20 கிரிக்கெட் வரலாற்றில் 3 வது அதிவேக அரைசதம் என்ற பெருமையை பெற்றுள்ளார்.
நேபாளத்தின் திபேந்திர சிங் ஐரி 9 பந்துகளில் அரைசதம் அடித்து முதலிடத்திலும், அசுதோஷ் சர்மா 11 பந்துகளில் அரைசதம் அடித்து 2வது இடத்திலும் உள்ளனர்.
மேலும், 2024 ஆம் ஆண்டில் 87 T20 சிக்ஸர்கள் அடித்து ஒரு ஆண்டில் இந்தியாவிற்காக அதிக T20 சிக்ஸர்கள் அடித்த வீரர் என்ற சாதனையை படைத்திருந்தார்.
தற்போது, 2025 ஆம் ஆண்டில், 33 இன்னிங்சில் 92 சிக்ஸர்கள் விளாசி தன்னுடைய முந்தையை சாதனையை முறியடித்துள்ளார்.
மேலும், இதன் மூலம் தனது 8வது சதத்தை நிறைவு செய்த இந்தியாவிற்காக அதிக T20 சதம் விளாசிய இந்திய வீரர்களின் பட்டியலில் ரோஹித் சர்மா உடன் 2வது இடத்தை பகிர்ந்து கொள்கிறார். விராட் கோலி 9 T20 சதத்துடன் முதலிடத்தில் உள்ளார்.
மேலும், 142 ஓட்டங்கள் எடுத்ததன் மூலம், T20 கிரிக்கெட்டில் அதிகபட்ச ஓட்டங்கள் எடுத்த 2வது இந்திய வீரர் என்ற சாதனையை படைத்துள்ளார். திலக் வர்மா, மேகலாயாவிற்கு எதிரான போட்டியில் 151 ஓட்டங்கள் எடுத்து முதலிடத்தில் உள்ளார்.
மேலும், இந்த போட்டியில் பஞ்சாப் வீரர்கள் மொத்தமாக 33 சிக்ஸர்கள் விளாசி, ஒரு இன்னிங்ஸில் அதிக சிக்ஸர்கள் அடித்த அணி என்ற சாதனையை படைத்துள்ளது. முன்னதாக 2024 ஆம் ஆண்டில், காம்பியாவுக்கு எதிராக ஜிம்பாப்வே 27 சிக்ஸர்கள் அடித்ததே அதிகபட்சமாக இருந்தது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
