லங்காசிறி FM
லண்டன் 7ஸ்டார் ஹோட்டலில் அம்பானி வீட்டு திருமண கொண்டாட்டம்., இளவரசர் ஹரி, போரிஸ் ஜான்சன் பங்கேற்பு
ஆனந்த் அம்பானி மற்றும் மருமகள் ராதிகா மெர்ச்சன்ட்டின் திருமண கொண்டாட்டங்கள் இன்னும் முடியவில்லை, லண்டனில் தொடர்கிறது.
ஆசியாவின் மிகப்பாரிய பணக்காரரான முகேஷ் அம்பானி தனது மகன் மற்றும் மருமகளின் திருமணத்திற்கு பிந்தைய கொண்டாட்டத்திற்காக 7 நட்சத்திர ஸ்டோக் பார்க் ஹோட்டலை செப்டம்பர் மாதம் வரை முன்பதிவு செய்துள்ளதாக தகவல் வெளியாகியுள்ளது.
இளவரசர் ஹரி, போரிஸ் ஜான்சன் போன்ற பிரபலங்கள் கலந்து கொள்வார்கள் என்று எதிர்பார்க்கப்படுகிறது.
ஸ்டோக் பார்க் என்பது பக்கிங்ஹாம்ஷையரில் 300 ஏக்கர் பரப்பளவில் அமைந்துள்ள ஒரு ஆடம்பரமான ஹோட்டல் ஆகும். இது ஒரு ஆடம்பரமான மாளிகை, பல கோல்ஃப் மைதானங்கள் மற்றும் டென்னிஸ் மைதானங்களைக் கொண்டுள்ளது.
ரிலையன்ஸ் இண்டஸ்ட்ரீஸ் (RIL) இந்த ஹோட்டலை 2021-இல் இந்திய பணமதிப்பில் சுமார் ரூ. 614 கோடிக்கு (£57 million) குத்தகைக்கு வாங்கியது. அப்போதிருந்து, அது பொது மக்களுக்கு மூடப்பட்டது.
இருப்பினும் அம்பானி குடும்பத்தைச் சேர்ந்தவர்கள் இங்கு வந்து செல்கின்றனர். இந்த ஹோட்டலில் இன்னும் பல அம்சங்கள் உள்ளன.
ஆனந்த் அம்பானி மற்றும் ராதிகா மெர்ச்சண்ட் திருமணம் ஜூலை 12ஆம் திகதி மும்பையில் நடைபெற்றது. தற்போது லண்டனில் திருமணத்திற்குப் பிந்தைய கொண்டாட்டங்கள் நிறைவடைகின்றன.
The Sun செய்தியின்படி, முகேஷ் அம்பானி செப்டம்பர் வரை ஏழு நட்சத்திர ஹோட்டல் ஸ்டோக் பூங்காவை முன்பதிவு செய்துள்ளார். முகேஷ் அம்பானியின் ரிலையன்ஸ் மூன்று ஆண்டுகளுக்கு முன்பு 57 மில்லியன் பவுண்டுகளுக்கு வாங்கிய அதே ஹோட்டல் சொத்து இதுதான். ஸ்டோக் பார்க் ஹோட்டல் இரண்டு ஜேம்ஸ்பாண்ட் படங்கள் படப்பிடிக்கப்பட்ட தளமாகும்.
300 ஏக்கரில் கட்டப்பட்டுள்ள ஹோட்டல்
ஸ்டோக் பார்க் பக்கிங்ஹாம்ஷையரில் உள்ளது. 300 ஏக்கர் பூங்காவிற்கு மத்தியில் அமைக்கப்பட்டுள்ள இந்த ஹோட்டலில் 49 ஆடம்பரமான படுக்கையறைகள் மற்றும் அறைகள், 27 துளைகள் கொண்ட சாம்பியன்ஷிப் கோல்ஃப் மைதானம், 13 டென்னிஸ் மைதானங்கள் மற்றும் 14 ஏக்கர் தனியார் தோட்டங்கள் உள்ளன.
இது உலகம் முழுவதிலுமிருந்து பணக்கார சுற்றுலாப் பயணிகளை ஈர்த்து வருகிறது. ஸ்டோக் பார்க் தோட்டம் 900 ஆண்டுகளுக்கும் மேலான பதிவுசெய்யப்பட்ட வரலாற்றைக் கொண்டிருந்தாலும், அது 1908 வரை ஒரு தனியார் குடியிருப்பாகப் பயன்படுத்தப்பட்டது.
பொது மக்கள் நுழைய தடை
குத்தகைக்கு எடுக்கப்பட்டதிலிருந்து ஹோட்டல் பொதுமக்களுக்கு மூடப்பட்டது. இருப்பினும் அம்பானி குடும்பத்தைச் சேர்ந்தவர்கள் இங்கு வந்து செல்கின்றனர். அம்பானி குடும்பத்தினருக்காக மட்டும் இந்த ஹோட்டல் திறக்கப்படுவதற்கு உள்ளூர் மக்களும் கவுன்சிலும் எதிர்ப்பு தெரிவித்தனர்.
குத்தகை விதிகளின்படி, அதை வணிகச் சொத்தாகப் பயன்படுத்த வேண்டும். இந்நிலையில் தற்போது முகேஷ் அம்பானி ஹோட்டல் முழுவதையும் இரண்டு மாதங்களுக்கு முன்பதிவு செய்துள்ளார்.
ஹோட்டல் கொண்டாட்டத்தில் இளவரசர் ஹரி, போரிஸ் ஜான்சன் மற்றும் டோனி பிளேர் மற்றும் அவரது மனைவி செரி பிளேயர் ஆகியோர் கலந்து கொள்வார்கள் என்று எதிர்பார்க்கப்படுகிறது.
இரண்டு மாதங்களுக்கு ஹோட்டல் முழுவதையும் முன்பதிவு செய்த அம்பானி குடும்பம், ஆனந்த் அம்பானியின் திருமணத்திற்கு பிந்தைய கொண்டாட்டங்களுக்கு தேவையான எந்த ஒரு வேலையையும் விட்டுவைக்கவில்லை எனக் கூறப்படுகிறது.
இங்கு நடக்கவிருக்கும் விகழ்வில் உலகம் முழுவதிலுமிருந்து பல பிரபலங்கள் கலந்து கொள்வார்கள் என்று எதிர்பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Stoke Park Hotel in London, Mukesh Ambani, Ambani Wedding, Anant Ambani Radhika Merchant wedding, seven-star Stoke Park Hotel in Buckinghamshire
