புறப்பட்ட சில நிமிடங்களில் தீப்பிடித்து எரிந்த விமானம்., அவரசமாக தரையிறக்கம்
அமெரிக்காவின் மியாமி சர்வதேச விமான நிலையத்தில் இருந்து புறப்பட்ட சில நிமிடங்களில் விமானம் ஒன்று தீப்பிடித்து எரிந்தது.
இச்சம்பவம் வியாழக்கிழமை இரவு இடம்பெற்றுள்ளது. எதிர்பாராத இந்த விபத்து Atlas Airlinesன் Boeing 747-8 விமானத்தில் நடந்துள்ளது.
விமானி உடனடியாக விமான நிலையத்திற்கு திரும்பி தரையிறங்க முடிவு செய்தார். இந்த தகவல் விமானப் போக்குவரத்துக் கட்டுப்பாட்டாளருக்கு (ATC) தெரிவிக்கப்பட்டது. பின்னர் இந்த விமானம் தரையிறங்கியது. ஊடக அறிக்கையின்படி- அது ஒரு சரக்கு விமானம்.
விமானப் பயண கண்காணிப்பு இணையதளமான AirLive அறிக்கையின்படி, வியாழன் இரவு மியாமி சர்வதேச விமான நிலையத்தில் இருந்து புறப்பட்ட அட்லஸ் ஏர்லைன்ஸின் போயிங் 747-8 விமானத்தின் பின்புறத்தில் தீ விபத்து ஏற்பட்டது.
சில நிமிடங்களுக்குப் பிறகு அது சுமார் 11,000 அடி உயரத்தில் இருந்தது. இதற்கிடையில், அதன் வாழ் பகுதியிலிருந்து (tail unit) தீப்பொறிகள் வெளிவருவது தெரிந்தது. இருட்டாக இருந்ததால் தெளிவாக தெரிந்தது.
#Breaking: #Watch: Boeing 747 catches fire mid-air.
— Open Source Intel (@Osint613) January 19, 2024
A plane bound for Puerto Rico ignited shortly after departing from Miami International Airport. pic.twitter.com/Szx8ZHtKlz
இதை விமான நிலைய ஊழியர்களும் பார்த்தனர். விமானியும் நிலைமையை உணர்ந்திருந்தார். இதனையடுத்து விமான நிலைய கட்டுப்பாட்டாளருக்கும், விமானிக்கும் இடையில் பேச்சு வார்த்தை இடம்பெற்று உடனடியாக தரையிறக்க தீர்மானம் எடுக்கப்பட்டது.
தரையிறங்கும் நேரத்தில் தீ குறைவாக இருந்தது
விமானத்தை தரையிறக்க விமானி முடிவு செய்து உயரத்தை குறைத்தவுடன் தீப்பொறிகள் குறைந்து காணப்பட்டது. அவசர தரையிறக்கத்தில் அதிக ஆபத்து ஏற்படாததற்கு இதுவே காரணம்.
விமானத்தின் இயந்திரத்தில் கோளாறு ஏற்பட்டு தீப்பிடித்தது, விமான குழுவினர் அனைத்து பாதுகாப்பு நடவடிக்கைகளையும் பயன்படுத்தி விமானத்தை பாதுகாப்பாக தரையிறக்கியதாகவும், சம்பவம் குறித்து விசாரணை நடத்தப்பட்டு வருவதாகவும் அட்லஸ் ஏர் செய்தித் தொடர்பாளர் கூறினார்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Atlas Air Boeing 747-8 Flight, Atlas Air Boeing 747-8 catches fire mid-air