தங்கம் விலை 2027-ல் 40 சதவீதம் வரை உயரும் - பாபா வங்காவின் கணிப்பு

Baba Vanga Gold

By Ragavan Sep 30, 2026 10:14 AM GMT

Ragavan

in சர்வதேசம்

Report

Baba Vanga 2027 gold price prediction: தங்க விலை 2027-ல் 40 சதவீதம் வரை உயரும் என பாபா வங்கா கணித்துள்ளார்.

தங்கம் விலை 2027-ல் 40 சதவீதம் வரை உயரும்

உலகளவில் நிதி நெருக்கடி உருவாகும் அபாயம் குறித்து பல்வேறு செய்திகள் வெளியாகி வரும் நிலையில், புகழ்பெற்ற பல்கேரிய தீர்க்கதரிசி பாபா வங்காவின் 2027 கணிப்பு மீண்டும் பேசுபொருளாகியுள்ளது.

Baba-Vanga-2027-Gold-Price-Prediction

தற்போது தங்கம் விலை இந்தியாவிலும் உலகளாவிய அளவிலும் அதிகமாகவே உள்ளது. முதலீட்டாளர்கள் மற்றும் நகை வாங்குபவர்கள் தங்கத்தை பாதுகாப்பான சொத்தாகக் கருதி வருகின்றனர்.

இந்நிலையில், பாபா வங்கா கூறியதாகக் கூறப்படும் கணிப்புகள் படி, 2027-ல் தங்க விலை 25 சதவீதம் முதல் 40 சதவீதம் வரை அதிகரிக்கலாம் என இணையத்தில் பரவி வருகிறது.

தங்கத்தில் முதலீடு

இந்த கணிப்புகள், உலகளாவிய நிதி நெருக்கடி அல்லது வங்கிக் கணக்குகளில் நம்பிக்கை குறைவதால், மக்கள் தங்கத்தில் முதலீடு செய்யத் தொடங்குவார்கள் என்ற கருத்தை முன்வைக்கின்றன.

சில அறிக்கைகளின் படி, இந்தியாவில் 2027-இல் தங்கம் விலை ஒரு 10 கிராமுக்கு ரூ.2.62 லட்சம் முதல் ரூ.2.82 லட்சம் வரை செல்லக்கூடும் என கூறப்படுகிறது.

ஆனால், இவை நிதி நிறுவனங்களின் அதிகாரப்பூர்வ கணிப்புகள் அல்ல, பாபா வங்காவின் பெயரில் பரவியுள்ள ஊகங்கள் மட்டுமே.

மறுபுறம், JP Morgan, UBS, Deutsche Bank போன்ற பெரிய நிதி நிறுவனங்கள் தங்க விலை 2027-இல் மேலும் உயரும் என தனித்தனியாக கணித்துள்ளன. JP Morgan, 2027 இறுதியில் தங்கம் விலை அவுன்ஸுக்கு 6,300 டொலர் வரை செல்லக்கூடும் என தெரிவித்துள்ளது.

தீர்க்கதரிசி பாபா வங்கா

1911-இல் பல்கேரியாவில் பிறந்த பாபா வங்கா தீர்க்கதரிசியாக அறியப்படுகிறார். 12 வயதில் பார்வையை இழந்த அவர், பல உலக நிகழ்வுகளை முன்கூட்டியே கணித்ததாக அவரது ஆதரவாளர்கள் கூறுகின்றனர். 9/11 தாக்குதல், சுனாமி, இளவரசி டயானா மரணம் போன்றவை அவரது கணிப்புகளில் அடங்கும் என கூறப்படுகிறது.

2027-இல் தங்கம் விலை அதிகரிக்கும் என்ற பாபா வங்காவின் கணிப்பு, உலகளாவிய நிதி நெருக்கடி அச்சத்துடன் இணைந்து, முதலீட்டாளர்களிடையே பெரும் விவாதத்தை ஏற்படுத்தியுள்ளது.