லங்காசிறி FM
உலகின் மிகப்பெரிய டிக்டொக் நட்சத்திரம்... அதிகாரிகளிடம் சிக்க வைத்து நாடுகடத்திய ட்ரம்பின் மகன்
உலகின் மிகப்பெரிய டிக்டொக் நட்சத்திரமான Khaby Lame என்பவரை ICE அதிகாரிகளிடம் சிக்கவைத்து நாடு கடத்தியதன் பின்னணியில் ட்ரம்பின் மகன் பரோன் செயல்பட்டதாக தகவல் கசிந்துள்ளது.
சட்டவிரோத குடியேறி
குறித்த தகவலை பரோன் ட்ரம்பின் மிக நெருங்கிய நண்பர்களில் ஒருவரே உறுதி செய்துள்ளார். பரோன் ட்ரம்பின் நெருங்கிய நண்பரான Bo Loudon தெரிவிக்கையில், Khaby Lame தொடர்பில் குடிவரவு மற்றும் சுங்க அமலாக்க அதிகாரிகளிடம் பரோன் ட்ரம்ப் புகார் செய்தார் என குறிப்பிட்டுள்ளார்.
ஜூன் 6ம் திகதி தமது எக்ஸ் பக்கத்தில் குறிப்பிட்ட Bo Loudon, செனகலில் பிறந்த அந்த சட்டவிரோத குடியேறியை நாடுகடத்துவது முறையே என Khaby Lame-ஐ குறிப்பிட்டு பதிவு செய்திருந்தார்.
ஆனால் ஜூன் 6ம் திகதியே லாஸ் வேகாஸில் உள்ள ஹாரி ரீட் சர்வதேச விமான நிலையத்தில் Khaby Lame கைது செய்யப்பட்டதாக ICE அதிகாரிகள் உறுதி செய்திருந்தனர்.
ஏப்ரல் 30ம் திகதி அமெரிக்காவில் நுழைந்த Khaby Lame தமது விசா காலத்திற்கு பின்னரும் தங்கியிருந்துள்ளார். டிக்டொக் தளத்தில் 162 மில்லியன் ஆதரவாளர்களைக் கொண்ட Khaby Lame கைதுக்கு பின்னர் தாமாகவே நாட்டைவிட்டு வெளியேறும் வாய்ப்பினைப் பெற்றார்.
இந்த நிலையிலேயே 18 வயதான Bo Loudon இந்த நடவடிக்கையின் பின்னணி தொடர்பில் தற்போது தகவல் வெளியிட்டுள்ளார். ஆனால் Khaby Lame தொடர்பில் புகார் அளித்ததில் பரோன் ட்ரம்ப் அல்லது Bo Loudon ஆகியோரின் பங்கிருப்பதாக ICE அதிகாரிகள் உறுதி செய்யவில்லை.
இருப்பினும், Khaby Lame நாடுகடத்தப்பட்டதில் தமக்கு பங்கிருப்பதாக Bo Loudon கொண்டாடி வருகிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
