அடுத்த சுவிட்சர்லாந்தாக மாறிய ஆசிய நாடு - தங்கத்தைப் பதுக்கும் உலக செல்வந்தர்கள்

Singapore Switzerland Gold

By Ragavan May 31, 2025 02:11 PM GMT

Ragavan

in சர்வதேசம்

Report

சுவிட்சர்லாந்தைப் போலவே பல நாடுகளைச் சேர்ந்த செல்வந்தர்கள் தங்கத்தை பிரபல தென்கிழக்கு ஆசிய நாடொன்றில் பாதுகாப்பாக சேமித்துவருகின்றனர்.

உலகமெங்கும் நிலவும் அரசியல் பதற்றங்கள் மற்றும் நிதி முறைகளில் நம்பிக்கையிழப்பு காரணமாக, உலக செல்வந்தர்கள் தங்கள் செல்வங்களை பாதுகாப்பதற்காக சிங்கப்பூரை தேர்ந்தெடுத்து வருகிறார்கள்.

இதனால், சிங்கப்பூர் தற்போது 'புதிய சுவிட்சர்லாந்து' என அழைக்கப்படுகிறது.

சிங்கப்பூரில் விமான நிலையத்திற்கு அருகே அமைந்துள்ள The Reserve எனும் 6 மாடி வளாகத்தில் மட்டும் தற்போது 1.5 பில்லியன் அமெரிக்க டொலருக்கும் அதிக மதிப்பிலான தங்கம் மற்றும் வெள்ளி பாதுகாக்கப்பட்டு வருகிறது.

Singapore gold vault, The Reserve gold storage, Billionaires gold storage 2025, Physical gold vs paper gold, Gold price prediction 2025, Safe haven for gold, Ultra rich gold investment, Geneva of the East, Singapore vs Switzerland wealth, Gold demand surge Singapore

கடந்த ஆண்டு இதே காலத்துடன் ஒப்பிடும்போது, தங்கம் மற்றும் வெள்ளி சேமிப்பில் 88 சதவீதம் அதிகரிப்பு ஏற்பட்டுள்ளது.

இந்த பாதுகாப்பு வளாகத்தில் ஆயிரக்கணக்கான பாதுகாப்பு பெட்டிகள், தனித்தனி வாலட்கள் மற்றும் நேரடி தங்க விற்பனை வசதிகள் உள்ளன.

விலையுயர்ந்த இந்த சேமிப்பு புமியில், 2024-ஆம் ஆண்டுடன் ஒப்பிடும் போது தங்க விற்பனையில் 200 சதவீதம் வரை உயர்வு ஏற்பட்டுள்ளது.

எதற்காக தங்கம் இவ்வாறு சேமிக்கப்படுகிறது?

அமெரிக்காவிற்கும் சீனாவிற்கும் இடையிலான வர்த்தக மோதல்கள், அத்துடன் இந்தாண்டின் தொடக்கத்தில் அமெரிக்க சொத்துக்களின் பரந்த விற்பனை ஆகியவை தங்கத்தின் விலைகளை வரலாறு காணாத அளவிற்கு உயர்த்தின.

பதற்றம் தணிந்ததால் விலைகள் சற்று தணிந்திருந்தாலும், அடுத்த ஆண்டு தங்கம் அவுன்ஸ் ஒன்றுக்கு 5,000 டொலராக உயரக்கூடும் என்று நிபுணர்கள் நம்புகின்றனர், இது தற்போதைய நிலைகளில் சுமார் 3,346.32 டொலராக உள்ளது.

இதுபோன்ற சூழ்நிலைகள், செல்வந்தர்களை 'பேப்பர் கோல்டு'-க்கு பதிலாக உண்மையான தங்கத்தை தேட வைக்கின்றன.

அவ்வாறு தங்கள் தங்கத்தை இதுபோன்ற பாதுகாப்பு மையங்களில் பதுக்கி வைக்கின்றனர்.

ஏன் சிங்கப்பூர்?

அரசியல் நிலைத்தன்மை, சட்ட பாதுகாப்பு மற்றும் உலகத் தரம் வாய்ந்த உள்கட்டமைப்பு ஆகியவற்றால், சிங்கப்பூர் தற்போது உலக செல்வந்தர்களின் முதலாவது விருப்பமாக மாறியுள்ளது.

வங்கி சாரா சேமிப்பு சேவைகளை தேடும் செல்வந்தர்கள், சிங்கப்பூரை விரும்பி தேர்ந்தெடுக்கின்றனர்.