லங்காசிறி FM
30 ஆண்டுகளுக்கு முன்பு காணப்பட்ட பறவை இனம்.., தற்போது அழிந்துவிட்டதாக அறிவிப்பு
காலநிலை மாற்றம் போன்ற காரணங்களால் சுமார் 30 ஆண்டுகளுக்கு முன்பு காணப்பட்ட பறவை இனம் தற்போது அழிந்துவிட்டதாக விஞ்ஞானிகள் கருதுகின்றனர்.
பறவை இனம்
ஸ்லெண்டர்-பில்ட் கர்லேவ் (Slender-billed Curlew) என்று அழைக்கப்படும் புலம்பெயர்ந்த கடற்கரைப் பறவை இனம், பல வருட தேடுதலுக்கு பிறகு நவம்பர் 2024 ல் இறந்துவிட்டதாக விஞ்ஞானிகள் கருதுகின்றனர்.
இது ஐரோப்பா, வட ஆப்பிரிக்கா மற்றும் மேற்கு ஆசியாவில் இருந்து ஒரு பறவை இனத்தின் முதல் அறியப்பட்ட அழிவைக் குறிக்கிறது என்று பறவைகள் பாதுகாப்பிற்கான ராயல் சொசைட்டி (RSPB) அறிக்கை ஒன்றில் தெரிவித்துள்ளது.
ஸ்லெண்டர்-பில்டு கர்லேவ் என்ற பறவை கோடைகாலத்தில் சைபீரியாவில் இனப்பெருக்கம் செய்வதாக அறியப்பட்டது.
பின்னர், குளிர்காலத்தில் மற்ற புலம்பெயர்ந்த பறவைகளைப் போலவே வெப்பமான பகுதிக்கு பறக்கின்றன. இருப்பினும், மற்ற பறவைகள் தெற்கே வெப்பமண்டலங்கள் அல்லது அவுஸ்திரேலியாவிற்கு பறந்து சென்றாலும் இந்த வகை பறவை இனங்கள் மத்திய தரைக்கடல் நோக்கி செல்கின்றன.
அங்கு சென்றவுடன் அதன் கரையில் மனித நாகரிகத்தின் வளர்ச்சிக்கு ஏற்றாற்போல் காலத்தை அனுசரித்துச் செல்வதால் சிறப்பாக உயிர்வாழ்கின்றன என்று விஞ்ஞானிகள் கூறுகின்றனர்.
இந்நிலையில், பல தசாப்தங்களாக அதன் இனப்பெருக்கம் மற்றும் இனப்பெருக்கம் அல்லாத வரம்புகளில் ஸ்லெண்டர்-பில்ட் கர்லேவின் ஆதாரங்களைக் கண்டறிய விரிவான முயற்சிகள் மேற்கொள்ளப்பட்டன.
ஆனால் அவை அனைத்தும் தோல்வியில் முடிவடைந்துள்ளன. கடைசியாக 1995 -ம் ஆண்டில் மொராக்கோவில் ஸ்லெண்டர்-பில்ட் கர்லேவ் காணப்பட்டது.
2001 -ல் இருந்ததாக சொல்லப்பட்டாலும் அதிகாரப்பூர்வமாக உறுதிப்படுத்தப்படவில்லை. இந்தப் பறவை பூமியில் இருப்பதற்கு 96 சதவீதம் வாய்ப்பில்லை என்று சொல்கிறார்கள்.
தற்போது, அதிகாரப்பூர்வமாகப் பறவை அழிந்துவிட்டதாக விஞ்ஞானிகள் நம்புகின்றனர். சில சமயங்களில் அழிந்துவிட்டதாக நம்பப்படும் இனங்கள் அவை சில இடங்களில் மீண்டும் கண்டுபிடிக்கப்படுகின்றன.
இருப்பினும், சமீபத்திய ஆய்வின்படி பறவை அழிந்துவிட்டதாக அறிவிக்கும் முன், அவை எதிர்கொள்ளும் அச்சுறுத்தல்கள் உட்பட பல காரணிகளைக் ஆசிரியர் கருத்தில் கொண்டுள்ளனர்.
இந்த பறவை அழிந்துவிட்டதாக சர்வதேச இயற்கை பாதுகாப்பு சங்கம் (IUCN) சிவப்பு பட்டியலில் அதிகாரப்பூர்வமாக அறிவிக்கும். தற்போது இந்த பறவையானது 'அழியும் அபாயத்தில்' பட்டியலிடப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
பருத்தித்துறை, ஓமான், Oman, India, London, United Kingdom
06 Mar, 2024
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
