லங்காசிறி FM
ஹன்டா வைரஸ் தாக்கிய கப்பலில் பிரித்தானியர்கள்., 45 நாட்கள் தனிமைப்படுத்தல்
ஹன்டா வைரஸ் தாக்கிய கப்பலில் பயணித்த பிரித்தானியர்கள் தனிமைப்படுத்தப்படவுள்ளனர்.
அர்ஜென்டினாவில் இருந்து புறப்பட்ட MV Hondius என்ற சுற்றுலா கப்பலில் ஹன்டா வைரஸ் (Hantavirus) பரவியதால், அதில் பயணித்த பிரித்தானியகுடிமக்கள் 45 நாட்கள் தனிமைப்படுத்தப்பட வேண்டும் என UKHSA (UK Health Security Agency) அறிவித்துள்ளது.
இந்தக் கப்பலில் பயணித்த 150-க்கும் மேற்பட்டோர் 23 நாடுகளைச் சேர்ந்தவர்கள். இதில் 19 பிரித்தானிய பயணிகளும் 4 பிரித்தானிய குழுவினரும் உள்ளனர்.
தற்போது, 2 பிரித்தானியர்கள் வீட்டில் தனிமைப்படுத்தப்பட்டுள்ளனர். மேலும், 56 வயதான முன்னாள் பொலிஸ் அதிகாரி Martin Anstee நெதர்லாந்தில் சிகிச்சை பெற்று வருகிறார். அவர் கப்பலில் வழிகாட்டியாக இருந்தவர்.
கப்பலில் பயணித்த 69 வயது பிரித்தானியர் ஒருவர் தென்னாப்பிரிக்காவில் சிகிச்சை பெற்று வருகிறார். ஜேர்மனி மற்றும் நெதர்லாந்தைச் சேர்ந்தவர்கள் உட்பட பலர் மருத்துவமனைகளில் அனுமதிக்கப்பட்டுள்ளனர்.
இதுவரை 8 பேருக்கு ஹன்டா வைரஸ் தொற்று உறுதி செய்யப்பட்டதாகவும், 3 பேர் உயிரிழந்ததாகவும் உலக சுகாதார அமைப்பு (WHO) கூறியுள்ளது.
ஹன்டா வைரஸ் பொதுவாக எலிகள் மூலம் பரவுகிறது. ஆனால், இந்தக் கப்பலில் Andes strain எனப்படும் ஹன்டா வைரஸ் வகை கண்டறியப்பட்டுள்ளது.
இது அரிதாக மனிதர்களிடையே பரவக்கூடியது. அறிகுறிகள் வெளிப்பட 1 முதல் 8 வாரங்கள் ஆகும். சுமார் 6 வாரங்கள் வரை கூட நோய்த்தொற்று வெளிப்படாமல் இருக்கலாம் என நிபுணர்கள் கூறுகின்றனர்.
கப்பல் தற்போது ஸ்பெயின் Canary Islands நோக்கி செல்கிறது. அங்கு பயணிகள் அனைவரும் மருத்துவ பரிசோதனைக்கு உட்படுத்தப்படுவார்கள். பிரித்தானிய பயணிகள் தனியார் விமானம் மூலம் நாடு திரும்புவார்கள்.
“இது மிகவும் தீவிரமான சூழ்நிலை. பாதிக்கப்பட்டவர்களும் அவர்களின் குடும்பங்களும் கடுமையான மன அழுத்தத்தில் உள்ளனர். பிரித்தானிய குடிமக்களை பாதுகாப்பாக நாடு திரும்பச் செய்வதற்கான நடவடிக்கைகள் எடுக்கப்பட்டுள்ளன” என்று பிரித்தானிய வெளிவிவகார செயலாளர் Yvette Cooper கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Hantavirus cruise ship outbreak, Britons self-isolation 45 days, MV Hondius virus cases, Andes strain hantavirus spread, UKHSA hantavirus response #Hantavirus #CruiseShip #UKHealth #Isolation #BreakingNews
அளவெட்டி, தெல்லிப்பழை, சிலாபம், கொழும்பு, St. Gallen, Switzerland
07 May, 2022
