பிரபல நடிகையை அழ வைத்த நடிகர்: விஜயகாந்த் சொன்ன அந்தவொரு வார்த்தை!

பிரபல நடிகை சௌந்தர்யாவின் மனம் புண்படும் மாதிரி கேள்வி கேட்ட நடிகரும், பத்திரிகையாளருமான தேவராஜிடம் கேப்டன் விஜயகாந்த் சொன்ன அந்தவொரு வார்த்தை அவரது ரசிகர்களை மிகவும் நெகிழ்ச்சியடைய வைத்துள்ளது.

விஜயகாந்த் மரணம்

சென்னை மியாட் மருத்துவமனையில் அனுமதிக்கப்பட்டு இருந்த தேமுதிக தலைவர் கேப்டன் விஜயகாந்த் உடல்நல குறைவு காரணமாக நேற்று காலை 6:10 மணியளவில் காலமானார்.

இதையடுத்து அரசியல் தலைவர்கள், நடிகர்கள் மற்றும் பொதுமக்கள் ஆகியோர் தொடர்ந்து அஞ்சலி செலுத்துவதற்காக அவரது உடல் சென்னை தீவுத்திடல் பகுதியில் வைக்கப்பட்டுள்ளது.

இன்று மாலை 4.45 மணிக்கு சென்னை கோயம்பேட்டில் உள்ள தேமுதிக அலுவலகத்தில் விஜயகாந்த் உடல்  முழு அரசு மரியாதையுடன் நல்லடக்கம் செய்யப்படவுள்ளது.

கண்ணீர் விட்டழுத விஜய்., விஜயகாந்த் உடலை பார்த்து நொறுங்கி நின்றது ஏன்?

பிரபல நடிகையை அழ வைத்த நடிகர்

விஜயகாந்த் உயிரிழந்ததை அடுத்து அவர் தொடர்பான பல்வேறு நல்ல விஷயங்கள் குறித்து திரைத்துறையினர் மற்றும் பொதுமக்கள் என பலரும் பகிர்ந்து வருகின்றனர்.

அந்த வகையில் யோகி, கயல் உள்ளிட்ட படங்களில் நடித்தவரும், தற்போது பத்திரிகையாளராக இருக்கும் தேவராஜ், விஜயகாந்த் அவர்கள் சக நடிகைக்கு வழங்க மரியாதை குறித்து சமூக வலைதளத்தில் வெளிப்படுத்தியுள்ளார்.

அதில், “எவ்வளவு பெரிய 'சேடிஸ்ட்' ஆக இருந்தால், பூவைப் போன்ற இலகிய மனம் படைத்த நடிகை சவுந்தர்யாவை நான் அழ வைத்திருப்பேன். அந்த தருணத்தை இப்போது நினைத்துப் பார்த்தால் கூட, என் மீது எனக்கே மிகப்பெரிய வெறுப்பு தோன்றுகிறது. 

பெரியார் தொடங்கி விஜயகாந்த் வரை: டிசம்பரில் காலமான தமிழக அரசியல் ஆளுமைகள்

சவுந்தர்யாவின் நிறைய படங்களைப் பார்த்து ரசித்திருக்கிறேன். அவரை 'காதலா காதலா', 'படையப்பா' போன்ற திரைப்படங்களின் படப்பிடிப்புகள் போது சந்தித்துப் பேசியிருக்கிறேன்’.

“அப்படி, கே. பாக்கியராஜ் இயக்கத்தில் விஜயகாந்த், சௌந்தர்யா, உமா, பிரகாஷ் ராஜ் ஆகியோர் நடிப்பில் பொள்ளாச்சியில் உள்ள சேத்துமடை பங்களாவில் நடைபெற்ற சொக்கத்தங்கம் திரைப்படத்தின் படப்பிடிப்பின் போது, அங்கிருந்த அனைத்து நடிகர்களுடன் பேசிக் கொண்டு இருந்தேன்.

நடிகை சவுந்தர்யாவிடம் சுவாரஸ்யமாக பேசிக் கொண்டு இருக்கும் போது திடீரென உங்களுக்கும், தெலுங்கு நடிகருக்கும் இடையே காதலாமே? என சாதாரணமாக கேட்டு விட்டேன், உடனே உணர்ச்சிவசப்பட்ட நடிகை சௌந்தர்யா கண்கலங்கி அழுதுவிட்டார். 

அத்துடன் வதந்திகளுக்கு நான் பதில் சொல்லுறது இல்லை என்றும், எனக்கு ஏன் மீடியாக்காரங்க மாப்பிள்ளை பார்க்க ஆரம்பிச்சீட்டங்க என்று கேட்டார்.

அமைதியாக இருந்த நான், சில பத்திரிகைகளில் வந்த கிசுகிசு செய்திகளை பார்த்துவிட்டு அது உண்மையாக இருக்குமோ என்று விசாரிப்பதற்காக கேட்டு விட்டேன் என தெரிவித்தேன், அதன் பிறகே சௌந்தர்யா சமாதானம் ஆனார்.

சக நடிகைக்கு குரல் கொடுத்த விஜயகாந்த்

இந்த சம்பவம் முடிந்து மதிய உணவு இடைவேளையின் போது என் குறித்து நடிகை சௌந்தர்யா கேப்டன் விஜயகாந்திடம் தெரிவித்துள்ளார்.

எழுந்திருங்க விஜயகாந்த்..!கண்ணீர் விட்டு கதறி அழுத மனைவி பிரேமலதா விஜயகாந்த்

இதையடுத்து என்னை தனியாக அழைத்த விஜயகாந்த், சவுந்தர்யா மிகவும் நல்ல பொண்ணு தேவராஜ். ஏதாவது கேட்டு அதன் மனதை நோகடிக்காதே என்று எனக்கு அறிவுரை கூறினார்.

பிறகு நேராக சவுந்தர்யாவிடம் சென்ற நான், உங்க மனசு புண்படும் மாதிரி கேட்டிருந்தா என்னை மன்னிச்சுடுங்க மேடம் என்று கேட்டேன், இதனை எதிர்பாராத சவுந்தர்யா, உடனடியாக என் கைகளை பிடித்து வெரிகுட் என தெரிவித்தார் என  நடிகரும் பத்திரிகையாளருமான தேவராஜ் தெரிவித்துள்ளார்.

captain vijayakanth,  actress soundarya, chokka thangam, hits tamil movies, best Tamil movie pairs