லங்காசிறி FM
ஸ்பெயினில் இருந்து மொராக்கோவிற்கு திரும்பிய 37,500 அகதிகள்: பலி எண்ணிக்கை 57 ஆக அதிகரிப்பு
மொராக்கோவில் இருந்து ஆயிரக்கணக்கானோர் ஸ்பெயின் எல்லைப்புற நகரான சியூட்டாவிற்குள் நுழைந்து இருப்பது பெரும் பதற்றத்தை ஏற்படுத்தியுள்ளது.
ஸ்பெயினுக்குள் நுழைந்த ஆயிரக்கணக்கான மொராக்கோ நாட்டினர்
வடக்கு ஆப்பிரிக்காவில் உள்ள சிறிய ஸ்பெயின் ஆதிக்கப் பகுதியான சியூட்டாவின்(Ceuta) எல்லைப் பகுதிக்குள் வியாழக்கிழமை ஆயிரக்கணக்கான புலம்பெயர்ந்தவர்கள் அத்துமீறி நுழைந்தது பெரும் பரபரப்பை ஏற்படுத்தியது.
ஆயிரக்கணக்கானோரின் அத்துமீறிய நுழைவை தொடர்ந்து எல்லை பாதுகாப்பு முற்றிலும் சிதைப்பட்டு இருப்பதாகவும், உடனே அவசர நிலை பிரகடனம் செய்யப்பட்டு எல்லை பாதுகாப்பிற்கு இராணுவத்தை அனுப்ப வேண்டும் எனவும் உள்ளூர் அதிகாரிகள் அரசுக்கு கோரிக்கை விடுத்துள்ளனர்.
ஸ்பெயின் உள்துறை அமைச்சகத்தின் தகவல் படி, சியூட்டாவிற்குள் நுழைந்தவர்களின் எண்ணிக்கை உச்சபட்சமாக 50,000ஐ கடந்ததாக தெரிவிக்கப்பட்டுள்ளது.
இதில் (பெரும்பாலானோர் மொராக்கோவை சேர்ந்த இளைஞர்கள், பெண்கள் மற்றும் குழந்தைகள் ஆவர்). தாராஜல் எல்லை வழியாகவும், கடற்கரை வழியாகவும் சியூட்டாவிற்குள் நுழையும் இந்த மக்களில் சிலர் “விவா எஸ்பானா”(Viva España!) என்ற கோஷங்களை எழுப்பியும், சாலைகளில் நடனமாடியும் வரும் வீடியோ காட்சிகள் இணையத்தில் வைரலாகியது.
மொராக்கோவிற்கு திரும்பிய மக்கள்
இந்நிலையில் சியூட்டாவிற்குள் அத்துமீறி நுழைந்தவர்களில் 37,500க்கும் அதிகமானோர் மீண்டும் மொராக்கோவிற்கு திரும்பி சென்று விட்டதாக ஸ்பெயின் உள்துறை அமைச்சகம் தன்னுடைய அறிக்கையில் தெரிவித்துள்ளது.
ஒரே நேரத்தில் நிகழ்ந்த இந்த அதிகமான அகதிகள் இடம்பெயர்வில் கிட்டத்தட்ட 57 பேர் உயிரிழந்து இருப்பதாக தகவல் வெளியாகியுள்ளது.
இந்த நெருக்கடியான சூழ்நிலை குறித்து ஸ்பெயின் பிரதமர் பெட்ரோ சஞ்செஸ் தன்னுடைய கண்டனத்தை தெரிவித்துள்ளார்.
அத்துடன் இது ஸ்பெயின் இறையாண்மை மீது நடந்த மிகப்பெரிய தாக்குதல் மற்றும் மீறல் என்று குற்றம்சாட்டியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
Conflans-Sainte-Honorine, France, London, United Kingdom, Nanterre, France
01 Jul, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
