லங்காசிறி FM
அமெரிக்க நேச நாடுடன் நெருக்கமாகும் சீனா... ஆபத்தான ஆயுதங்கள் வழங்க முடிவு: ட்ரம்பிற்கு நெருக்கடி
நீண்ட காலமாக அமெரிக்காவின் வலுவான நேச நாடாகக் கருதப்படும் சவுதி அரேபியா, சமீபத்திய ஆண்டுகளில், அது சீனாவுடன் வலுவான உறவுகளை உருவாக்குவது போல் தெரிகிறது.
J-10 போர் விமானங்கள்
இஸ்ரேலை அங்கீகரித்ததற்கு ஈடாக, நேட்டோ போன்ற பாதுகாப்பு ஏற்பாடுகளை வழங்குவதன் மூலம் சவுதி அரேபியாவை தங்கள் பக்கம் தக்கவைத்துக்கொள்ள தனது முயற்சிகளை அமெரிக்கா மறுசீரமைத்துள்ளது.
ஆனால் அமெரிக்க ஆதரவு இஸ்ரேல் முன்னெடுத்துவரும் கொடூரமான காஸா போரினால் இந்த முன்னணியின் பேச்சுவார்த்தைகள் தடைபட்டுள்ளது. மறுபுறம், இராணுவ ஒத்துழைப்பை வழங்குவதன் மூலம் எண்ணெய் வளம் மிகுந்த சவுதி அரேபியாவுடனான தனது உறவை சீனா மேம்படுத்தியுள்ளது.
இதன் ஒரு பகுதியாக, சவுதி அரேபியாவிற்கு அதி நவீன J-10 போர் விமானங்களை வழங்க சீனா முன்வந்துள்ளது. ஆபரேஷன் சிந்தூர் நடவடிக்கையின் போது இந்தியாவின் ரஃபேல் விமானத்தை சுட்டு வீழ்த்த பயன்படுத்தப்பட்டதாக பாகிஸ்தான் கூறி வரும் அதே விமானம்.
ரஃபேல் போர் விமானம் வீழ்த்தப்பட்டதாக கூறப்படும் சம்பவத்தை சீனா, துருக்கி மற்றும் அமெரிக்கா ஆகிய நாடுகள் தங்களுக்கு சாதகமாக பயன்படுத்திக்கொண்டுள்ளன. இந்த நாடுகள் எதுவும் இதற்கு உண்மையான ஆதாரங்களை வழங்க முடியவில்லை.
மட்டுமின்றி, சீனா தற்போது தனது ஆயுதங்களை சந்தைப்படுத்தவும் இதே கதையை தீவிரமாக பயன்படுத்திக்கொள்கிறது. அதி நவீன ரஃபேல் போர் விமானத்தையே தங்களின் J-10 வீழ்த்தும் திறன் கொண்டது என சீனா விளம்பரப்படுத்தி வருகிறது.
உன்னிப்பாக கவனித்துள்ளது
இருப்பினும் சவுதி அரேபியா உட்பட இதுவரை எந்த நாடும் இன்னும் J-10 போர் விமானங்களை வாங்குவதற்கு எந்தவொரு முறையான ஒப்பந்தங்களையும் முன்னெடுக்கவில்லை.
இந்த நிலையில், சவுதி அரேபியா அதன் சீன சமமானவற்றை விட மேற்கத்திய ஆயுதங்களை விரும்புவதற்கான காரணங்களில் ஒன்று, சமீபத்திய ஆண்டுகளில் சீன ஆயுதங்கள் போரில் ஈடுபடவில்லை என குறிப்பிட்டுள்ளார் ஒரு ஆய்வாளர்.
ஆனால், இந்தியாவிற்கு எதிராக சீன ஆயுதங்களை பாகிஸ்தான் பயன்படுத்தியுள்ள நிலையில், அதன் தாக்கம் குறித்து பல நாடுகள் உன்னிப்பாக கவனித்துள்ளதையும் அவர் சுட்டிக்காட்டியுள்ளார்.
இதனிடையே, கடந்த மே மாதம், அமெரிக்காவும் சவுதி அரேபியாவும் 142 பில்லியன் டொலர் ஆயுத ஒப்பந்தத்தை இறுதி செய்தன, இது வரலாற்றில் மிகப்பெரிய பாதுகாப்பு விற்பனை ஒப்பந்தம் என்று வெள்ளை மாளிகை அறிவித்திருந்தது.
இதன் பின்னணியிலேயே, சீனாவும் தற்போது சவுதி அரேபியாவை நெருங்க தீவிர முயற்சிகள் முன்னெடுத்து வருகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
சண்டிலிப்பாய், காங்கேசன்துறை, அளவெட்டி வடக்கு, சிட்னி, Australia
02 Oct, 2020
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
புங்குடுதீவு 10ம் வட்டாரம், புங்குடுதீவு 9ம் வட்டாரம், யாழ்ப்பாணம், கொழும்பு
12 Oct, 2005
