லங்காசிறி FM
ஹார்முஸ் விவகாரம்: ஐ.நா.வில் முன்மொழியப்பட்ட தீர்மானத்திற்கு சீனா, ரஷ்யா எதிர்ப்பு
ஹார்முஸ் விவகாரத்தில் ஐ.நா.வில் முன்மொழியப்பட்ட தீர்மானத்திற்கு சீனா மற்றும் ரஷ்யா எதிர்ப்பு தெரிவித்துள்ளது.
ஐக்கிய நாடுகள் பாதுகாப்பு கவுன்சிலில், ஹார்முஸ் நீரிணையில் வணிகக் கப்பல்களை பாதுகாக்கும் வகையில் பஹ்ரைன் முன்மொழிந்த தீர்மானத்தை எதிர்த்து சீனாவும் ரஷ்யாவும் வாக்களித்தன.
15 உறுப்பினர்களில் 11 நாடுகள் ஆதரித்தாலும், சீனா மற்றும் ரஷ்யா எதிர்ப்பு தெரிவித்துள்ளன, மற்றும் இரண்டு நாடுகள் விலகின.
அமெரிக்க தூதர் மைக் வால்ட்ஸ், “இது ஒரு புதிய தாழ்வு நிலை. ஈரான் நீரிணையை மூடுவதால் காங்கோ, சூடான், காசா போன்ற இடங்களுக்கு மருத்துவ உதவி செல்ல முடியாமல் உள்ளது. உலக பொருளாதாரம் துப்பாக்கி முனையில் நிறுத்தப்பட்டுள்ளது” என்று கடுமையாக விமர்சித்தார்.
அமெரிக்க ஜனாதிபதி டொனால்டு ட்ரம்ப், “இன்று இரவு முழு நாகரிகமும் அழிந்து போகும்” என்று எச்சரித்த நிலையில், இந்த தீர்மானம் நிறைவேறாதது உலகளாவிய பதற்றத்தை அதிகரித்துள்ளது.
ஃபிரான்ஸ் தூதர், “இந்த தீர்மானம் முற்றிலும் பாதுகாப்பு நோக்கத்திற்காக மட்டுமே. எவ்வித தாக்குதலுக்கும் வழிவகுக்காது” என்று தெரிவித்தார். ஆனால் சீனா மற்றும் ரஷ்யா, “இந்த உரை ஈரானுக்கு எதிராக பக்கசார்பாக உள்ளது” என்று கூறியுள்ளன.
ஈரான் தூதர் அமீர் சயீத் இரவானி, “சீனா, ரஷ்யா எடுத்த முடிவு, பாதுகாப்பு கவுன்சிலை தவறாக பயன்படுத்துவதைத் தடுத்தது” என்று பாராட்டியுள்ளார்.
இந்த சூழ்நிலையில், ஹார்முஸ் நீரிணை மூடப்பட்டதால் உலக எண்ணெய் விலை அதிகரித்து, பொருளாதார நெருக்கடி தீவிரமடைந்துள்ளது. அமெரிக்கா, “பொறுப்பான நாடுகள் எங்களுடன் சேர்ந்து நீரிணையை பாதுகாக்க வேண்டும்” என்று அழைப்பு விடுத்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
