லங்காசிறி FM
முடிவுக்கு வந்த வர்த்தக போர் - வரியை குறைக்க ஒப்புக்கொண்ட அமெரிக்கா, சீனா
அமெரிக்கா மற்றும் சீனா பரஸ்பர வரியை குறைக்க முன்வந்துள்ளது.
அமெரிக்கா - சீனா வர்த்தக போர்
அமெரிக்க அதிபர் டொனால்ட் டிரம்ப், கடந்த மாதம் உலக நாடுகள் மீது பரஸ்பர இறக்குமதி வரி விதிப்பை அமல்படுத்தினார். இதன் காரணமாக, சர்வதேச சந்தையில் கடும் பாதிப்பு ஏற்பட்டது.
இதனையடுத்து, ஏப்ரல் 9 ஆம் திகதி 90 நாட்களுக்கு வரிவிதிப்பை நிறுத்தி வைப்பதாக அறிவித்தார்.
ஆனால், சீனா மீதான வரி விதிப்பு உயர்த்துவதாக அறிவித்தார். அதற்கு பதிலடியாக சீனாவும் அமெரிக்கா மீதான வரியை உயர்த்தியது.
சீனப்பொருட்களுக்கான வரியை அமெரிக்கா 145% ஆக உயர்த்திய நிலையில் , அமெரிக்க பொருட்களுக்கான வரியை 125% ஆக சீனா அதிகரித்திருந்தது. இதன் காரணமாக, இரு நாடுகளுக்குமிடையே வர்த்தக போர் ஏற்பட்டது.
வரி குறைப்பு
இந்த வர்த்தக போரை முடிவுக்கு கொண்டு வரும் நோக்கில், சுவிட்சர்லாந்தில் கடந்த 2 நாட்களாக, இரு நாட்டு உயர் அதிகாரிகளும் பேச்சுவார்த்தையில் ஈடுபட்டனர்.
இதில் இரு நாடுகளுக்குமிடையே உடன்பாடு எட்டப்பட்ட நிலையில், இரு நாடுகளும் பரஸ்பர வரியை 90 நாட்கள் நிறுத்தி வைக்க உள்ளதாக கூட்டாக அறிவித்துள்ளனர்.
இதன்படி, இருதரப்பிலும் 115% வரியைக் குறைக்க முன்வந்து, சீன பொருட்கள் மீதான வரியை, 145 சதவீதத்திலிருந்து 30 சதவீதமாக குறைக்கவும், அமெரிக்கப் பொருட்கள் மீதான வரியை, 125% சதவீதத்திலிருந்து 10% ஆகக் குறைக்கவும் முடிவெடுக்கப்பட்டுள்ளது.
மேலும், அமெரிக்க கருவூல செயலாளர் ஸ்காட் பெசன்ட் மற்றும் சீனாவின் துணை பிரதமர் ஹி லிஃபாங் தலைமையில், இரு நாட்டு பொருளாதார மற்றும் வர்த்தக உறவுகள் குறித்து தொடர்ந்து விவாதிக்க ஒரு செயல்முறை உருவாக்கப்படும் என தெரிவிக்கப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அனலைதீவு 7ம் வட்டாரம், Toronto, Canada, Michigan, United States, Altena, Germany
10 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024