லங்காசிறி FM
கொலம்பிய ஜனாதிபதி வேட்பாளர் மீது துப்பாக்கி சூடு: 15 சிறுவன் கைது!
கொலம்பிய ஜனாதிபதி வேட்பாளர் மிகுவல் யூரிப் தேர்தல் பிரச்சாரத்தில் சுடப்பட்ட சம்பவம் பெரும் அதிர்ச்சியை ஏற்படுத்தியுள்ளது.
கொலம்பிய ஜனாதிபதி வேட்பாளர் மீது துப்பாக்கி சூடு
2026 ஜனாதிபதி தேர்தலுக்கான முக்கிய வேட்பாளரும், 39 வயதான கொலம்பிய செனட்டருமான மிகுவல் யூரிப், சனிக்கிழமை போகோடாவில் நடந்த தேர்தல் பிரச்சார நிகழ்வின் போது துப்பாக்கிச்சூட்டில் படுகாயமடைந்தார்.
பொது பூங்காவில் ஆதரவாளர்கள் மத்தியில் யூரிப் உரையாற்றிக் கொண்டிருந்தபோது, அடையாளம் தெரியாத நபர்கள் அவரைப் பின்னால் இருந்து சுட்டனர்.
இந்தத் தாக்குதலின் வீடியோ சமூக வலைத்தளங்களில் வைரலாகப் பரவி வருகிறது.
யூரிப் ரத்தம் வழிய காரின் பானட்டில் கிடப்பதும், பொதுமக்கள் அவருக்கு உதவ விரைவதும் அந்த வீடியோவில் தெரிகிறது.
அதிகாரிகள் வெளியிட்ட தகவலின்படி, யூரிப்பின் கழுத்து அல்லது தலையில் குண்டு தாக்கியுள்ளது. தற்போது அவர் உயிருக்கு ஆபத்தான நிலையில் மருத்துவமனையில் தீவிர சிகிச்சை பெற்று வருகிறார்.
சிறுவன் கைது
கொலம்பிய பாதுகாப்பு அமைச்சர் பெட்ரோ சான்செஸ் இந்த துப்பாக்கிச்சூடு தொடர்பாக 15 வயது சிறுவன் ஒருவன் கைது செய்யப்பட்டுள்ளான் என்று அறிவித்துள்ளார்.
Momento exacto del atentado contra miguel uribe, recibió 2 tiros en la cabeza y otro en el pecho. Un menor de 15 años fue el autor de los disparos. Fue capturado. pic.twitter.com/V6uwA0Umlf
— Orlando Curioso (@Orlando71156528) June 8, 2025
இந்தத் தாக்குதலில் வேறு எவரும் ஈடுபட்டுள்ளார்களா என்பது குறித்து விசாரணை நடந்து வருவதாகவும் அவர் தெரிவித்தார்.
கொலம்பிய அதிபர் அலுவலகம் இந்த வன்முறைத் தாக்குதலை கடுமையாகக் கண்டித்துள்ளதுடன், முழுமையான விசாரணைக்கு உத்தரவிட்டுள்ளது.
முன்னாள் கொலம்பிய அதிபர் அல்வாரோ யூரிபால் நிறுவப்பட்ட ஜனநாயக மையக் கட்சியைச் சேர்ந்த மிகுவல் யூரிப், கொலம்பியாவின் நன்கு அறியப்பட்ட அரசியல்வாதி ஆவார்.
குறிப்பிடத்தக்க வகையில், இவரது தாயார் டயானா டர்ப், 1990 இல் போதைப்பொருள் மாஃபியா தலைவன் பாப்லோ எஸ்கோபாரின் கும்பலால் கடத்தப்பட்டு, பிணைக் கைதிகளை மீட்கும் நடவடிக்கையின் போது உயிரிழந்தவர்.
இந்தச் சம்பவம், நீண்டகாலமாக வன்முறையால் பாதிக்கப்பட்டுள்ள கொலம்பியாவில் நிலவும் அமைதியின்மையை மீண்டும் ஒருமுறை வெளிச்சம் போட்டுக் காட்டுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
