வெளிநாட்டினருக்கு 5 வருட விசா விலக்கு அளிக்கும் திட்டத்தை அறிமுகம் செய்துள்ள நாடு

சமூக மற்றும் பொருளாதார வளர்ச்சிக்கு பங்களிக்கும் திறமையான வெளிநாட்டு தொழிலாளர்களுக்கு நீண்டகால விலக்கு அளிக்கும் விசா திட்டத்தை வியட்நாம் அறிமுகப்படுத்தியுள்ளது.

5 year visa exemption

வியட்நாம் தனது விசா கொள்கையில் சில மாற்றங்களைச் செய்து வெளிநாட்டினருக்கு சலுகைகள் கிடைக்கும் வகையிலான திட்டம் ஒன்றை அறிமுகம் செய்துள்ளது.

கடந்த ஆகஸ்ட் 8-ம் திகதி அன்று Special Visa Exemption Card கொள்கையை அறிமுகப்படுத்துவதற்கான ஆணையை அரசு வெளியிட்டது. இது நாளை முதல் நடைமுறைக்கு வரவுள்ளது.

இதன் மூலம் தகுதியுள்ள வெளிநாட்டினர் இந்த அட்டையைப் பெற்று ஐந்து ஆண்டுகளுக்கு பல முறை நாட்டிற்குள் நுழைய அனுமதிக்கப்படுவார்கள்.

பொருளாதார ரீதியாகவும், சமூக ரீதியாகவும் உதவும் பணி அல்லது செல்வாக்கு கொண்ட வெளிநாட்டு நபர்களை ஈர்ப்பதை இந்த திட்டம் நோக்கமாகக் கொண்டுள்ளது.

இந்த அட்டையை வைத்திருப்பவர்கள் ஐந்து வருட காலத்தில் எத்தனை முறை வேண்டுமானாலும் வியட்நாமிற்குள் நுழையலாம்.

ஏனெனில் இந்த அட்டை அதிகபட்சமாக ஐந்து ஆண்டுகளுக்கு மட்டுமே செல்லுபடியாகும். மேலும், பாஸ்போர்ட்டின் செல்லுபடியாகும் காலம் முடிவதற்கு குறைந்தது 30 நாட்களுக்கு முன்பே காலாவதியாகிவிடும்.

சமூக-பொருளாதார மேம்பாட்டு நோக்கங்களுக்காக அங்கீகரிக்கப்பட்ட நிறுவனங்கள் பரிந்துரைக்கும் நபர்கள் நிலை 2 மின்னணு அடையாள (Level 2 electronic identification) கணக்கிற்கு விண்ணப்பிக்க தகுதியுடையவர்கள் ஆகின்றனர்.

யார் விண்ணப்பிக்கலாம்?

* மூத்த வெளிநாட்டு அரசு அதிகாரிகள், நாடாளுமன்ற உறுப்பினர்கள், சர்வதேச அமைப்புகள் மற்றும் உச்ச நீதித்துறை அமைப்புகள்.

* புகழ்பெற்ற நிறுவனங்களின் விஞ்ஞானிகள், பேராசிரியர்கள், ஆராய்ச்சியாளர்கள், அறிஞர்கள், தலைமை பொறியாளர்கள் மற்றும் டிஜிட்டல் தொழில்நுட்ப வல்லுநர்கள்.

அதிக சம்பளம் தரும் வாய்ப்பை நிராகரித்துவிட்டு UPSC தேர்வில் தேர்ச்சி பெற்ற ஐஏஎஸ் அதிகாரி

* அதிக பிராண்ட் மதிப்பு மற்றும் செல்வாக்கு கொண்ட உலகளவில் அங்கீகரிக்கப்பட்ட நிறுவனங்களின் தலைமை நிர்வாக அதிகாரிகள் மற்றும் நிர்வாகிகள்.

* சமூக பொருளாதார வளர்ச்சிக்கு பங்களிக்கக்கூடிய முதலீட்டாளர்கள், தொழில்முனைவோர் மற்றும் மூத்த நிர்வாகிகள். * செல்வாக்கு மிக்க கலாச்சார, கலை, விளையாட்டு மற்றும் சுற்றுலா ஆளுமைகள்.