இந்திய மாநிலம் ஒன்றில் 20 ஆண்டுகளாக தேர்தலில் போட்டியிடும் சிலிண்டர் விநியோக ஊழியர்

பீகார் மாநிலத்தில் சிலிண்டர் விநியோக ஊழியர் ஒருவர் கடந்த 20 ஆண்டுகளாக சலிக்காமல் அனைத்து தேர்தலிலும் போட்டியிடுகிறார்.

யார் அவர்?

இந்திய மாநிலமான பீகாரைச் சேர்ந்த காஸ் சிலிண்டர் விநியோகம் செய்யும் ஊழியர் சோட்டே லால் மகதோ. இவர் கடந்த 20 ஆண்டுகளாக சலிக்காமல் அனைத்து தேர்தலிலும் போட்டியிடுகிறார்.

அதாவது நகராட்சி தேர்தல், உள்ளாட்சி தேர்தல் உள்பட அனைத்து தேர்தலிலும் போட்டியிடுகிறார் சோட்டே லால் மகதோ.

அமைச்சர் பதவியை ஒருபோதும் விரும்பவில்லை.., நடிப்பதற்கு ஆசைப்படும் சுரேஷ் கோபி

இந்நிலையில் தற்போது வரும் பீகார் சட்டப்பேரவை தேர்தலிலும் போட்டியிடவுள்ளார். கடந்த 20 ஆண்டுகளாக ஒவ்வொரு மக்களவை மற்றும் பீகார் சட்டமன்றத் தேர்தலிலும் போட்டியிட்டு, எம்.பி. அல்லது எம்.எல்.ஏ.வாக வேண்டும் என்ற கனவை துரத்தி வரும் மகதோ, பின்னடைவுகள் இருந்த போதிலும் அதிலிருந்து பின்வாங்காமல் உள்ளார்.

ஒரு சிறிய வீட்டில் வசித்து, எரிவாயு சிலிண்டர்களை விநியோகிப்பதன் மூலம் தனது குடும்பத்தை ஆதரிக்கும் மகதோ கூறுகையில், “நான் 23 வயதில் 2000 சட்டமன்றத் தேர்தலில் போட்டியிட வேட்புமனு தாக்கல் செய்தேன், ஆனால் வயது வரம்பு காரணமாக அது நிராகரிக்கப்பட்டது" என்றார்.

சீமாஞ்சலின் காந்தி என்று அழைக்கப்படும் மறைந்த தஸ்லிமுதீன் மற்றும் முன்னாள் மத்திய அமைச்சர் சையத் ஷாநவாஸ் உசேன் போன்ற அனுபவமுள்ள அரசியல்வாதிகளை எதிர்த்து போட்டியிட்டுள்ளார். ஆனால், அவரால் வெற்றி பெற முடியவில்லை.

மேலும், "பொதுமக்கள் ஆதரவு கிடைக்கிறது, நான் போட்டியிட உதவ மக்கள் நன்கொடை அளிக்கிறார்கள். நான் மக்களின் வீடுகளுக்கு எரிவாயு சிலிண்டர்களை வழங்குகிறேன்.

மக்கள் என்னைப் போன்ற ஒரு தலைவரை விரும்புகிறார்கள். இந்த முறை, நான் நிச்சயமாக வெற்றி பெறுவேன். மக்கள் தங்கள் வாக்குகளால் வெற்றியை உறுதி செய்வார்கள்" என்று நம்பிக்கையுடன் இருக்கிறார் மகதோ.

இதனிடையே அவரது மனைவியும் பிரச்சாரங்களை ஆதரிப்பதற்காக ஆடுகள், கோழிகள் மற்றும் முட்டைகளை விற்று நிதி திரட்டியதாக மகதோ கூறியுள்ளார்.