வர்த்தகப் போரை நோக்கி நகரும் ஐரோப்பிய ஒன்றியமும் சீனாவும்: விடுக்கப்பட்ட எச்சரிக்கை

EU and Beijing heading for trade war: ஐரோப்பிய ஒன்றியமும் சீனாவும் வர்த்தகப் போரை நோக்கி நகர்கின்றன.

ஐரோப்பிய ஒன்றியமும் சீனாவும் வர்த்தகப் போரை நோக்கி நெருங்கி வரும் நிலையில், சீனாவுடனான வர்த்தப் பற்றாக்குறை நீடிக்க முடியாதது என அந்த அமைப்பின் வர்த்தகத் தலைவர் எச்சரித்துள்ளார்.

முயன்று பார்க்கட்டும்

தீவிரமடைந்து வரும் மோதலைத் தவிர்ப்பதை நோக்கமாகக் கொண்ட இரு நாள் பேச்சுவார்த்தைகளை அவர் பெய்ஜிங்கில் தொடங்கியுள்ளார்.

இதற்கிடையில், வர்த்தகப் போர் ஒன்றை நடத்துவதற்கான திறன் ஐரோப்பாவிற்கு இல்லை என்று எச்சரித்த சீனா, அவர்கள் முயன்று பார்க்கட்டும் என்று வெளிப்படையான சவாலை விடுத்துள்ளது.

ஐரோப்பிய ஒன்றியம் வெளியிட்டுள்ளப் புள்ளிவிவரங்களின்படி, கடந்த ஆண்டு, ஒவ்வொரு நாளும், சீனா ஐரோப்பிய ஒன்றியத்திற்கு ஒரு பில்லியன் யூரோக்கள் மதிப்பிலான பொருட்கள் மற்றும் சேவைகளில் ஏற்றுமதி செய்துள்ளது.

ஜெருசலேமில் உள்ள பிரித்தானியத் தூதரகத்தை மூடுமாறு உத்தரவிட்ட இஸ்ரேல்: நடவடிக்கைகள் தீவிரம்

கார்கள் முதல் இரசாயனங்கள் வரையிலான தொழில்களில் ஐரோப்பியப் போட்டியாளர்களைப் பாதிக்கும் வகையில், அரசு மானியங்கள் மற்றும் விலைக் குறைப்பு உள்ளிட்ட சீனாவின் நியாயமற்ற வர்த்தக நடைமுறைகளே இதற்குக் காரணம் என்று ஐரோப்பாவில் பலர் குற்றம் சாட்டுகின்றனர்.

ஆசியாவின் மாபெரும் சக்தியான சீனா, ஐரோப்பாவின் தொழில் துறைக்கு இன்றியமையாத அரிய வகை கனிமங்கள் போன்ற பொருட்களின் விநியோகத்தைக் கட்டுப்படுத்தலாம்; அல்லது சீனாவுக்கான ஐரோப்பிய ஏற்றுமதிக்குத் தடைகளை ஏற்படுத்தலாம் என்ற சூழல் உருவாகியுள்ளது.

ஐரோப்பிய ஒன்றியத்தின் இரு பெரும் சக்திகளான பிரான்ஸும் ஜேர்மனியும் சீனாவுக்கு எதிரான தங்கள் நடவடிக்கைகளைத் தீவிரப்படுத்தப்போவதாக அச்சுறுத்தி வரும் சூழலில், ஐரோப்பிய ஒன்றியத்தின் வர்த்தகத் தலைவர் செஃப்கோவிச் பெய்ஜிங்கில் இரண்டு நாட்கள் பேச்சுவார்த்தைகளை நடத்தியுள்ளார்.

இந்த வாரத் தொடக்கத்தில் வெளியான கடிதம் ஒன்றில், சீனாவின் எந்தவொரு பதற்ற அதிகரிப்பிற்கும் விரைவாகப் பதிலளிப்பதற்கு ஒரு நம்பகமான வழிமுறை தேவை என்று ஜனாதிபதி இமானுவல் மேக்ரான் மற்றும் சேன்ஸலர் ஃபிரெட்ரிக் மெர்ஸ் ஆகியோர் அழைப்பு விடுத்திருந்தனர்.

முன்மொழியப்பட்ட இந்த ஆயுதம், அடுத்த வாரம் நடைபெறவுள்ள ஐரோப்பிய ஒன்றியத் தலைவர்களின் உச்சிமாநாட்டில் விவாதிக்கப்படவுள்ளது. வர்த்தக ரீதியான ஆதிக்க நடவடிக்கைகளுக்குச் சில நாட்களுக்குள்ளேயே பதிலளிக்கும் அதிகாரத்தை ஐரோப்பிய ஆணையத்திற்கு இது வழங்கும்.

மட்டுமின்றி, பிற நடவடிக்கைகளுக்கு மத்தியில், ஐரோப்பிய ஒன்றியம் வர்த்தக பாசூக்கா (trade bazooka) என்று அழைக்கப்படும் கட்டாயப்படுத்தலுக்கு எதிரான வழிமுறையை' (Anti-Coercion Instrument) ஐரோப்பிய ஆணையம் பயன்படுத்துவதை எளிதாக்குவதையும் இது முன்மொழிந்தது.

புதிய நடவடிக்கை

ஐரோப்பிய ஒன்றிய உறுப்பு நாடுகள் அல்லது நிறுவனங்கள் மீது தேவையற்ற அழுத்தத்தைச் செலுத்துவதாகக் கண்டறியப்படும் நாடுகளிலிருந்து வரும் வர்த்தகம் மற்றும் முதலீட்டைத் தடுக்க அல்லது கட்டுப்படுத்த, இதுவரை பயன்படுத்தப்படாத ஒரு புதிய நடவடிக்கைத் தொகுப்பு இதுவாகும்.

இருப்பினும், இத்தகைய கடுமையான நடவடிக்கைகளை ஐரோப்பிய ஒன்றிய நாடுகள் அனைத்தும் ஆதரிக்கவில்லை. யூரோ மண்டலத்தின் நான்காவது பெரிய பொருளாதாரத்தைக் கொண்ட நாடான ஸ்பெயின், சமீபத்திய ஆண்டுகளில் சீனாவிடம் நெருக்கமானப் போக்கையே கடைப்பிடித்து வருகிறது.

இந்த நிலையில், பாதுகாப்புவாத நடவடிக்கைகளுக்கு எதிராகச் செவ்வாய்க்கிழமையன்று சீனா பிரான்ஸ் மற்றும் ஜேர்மனிக்கு உடனடியாக எச்சரிக்கை விடுத்தது.

தவறான பாதையில் தவறான முறையில் செல்வதைத் தவிர்க்க வேண்டும்; இல்லையெனில், அதன் விளைவுகளை இறுதியில் அவர்களே அனுபவிக்க நேரிடும் என்று சீனத்து வர்த்தக அமைச்சகம் ஒரு அறிக்கையில் தெரிவித்துள்ளது.