ஐரோப்பிய ஒன்றிய நாடுகளின் புதிய ஒப்பந்தம்...ஹங்கேரி, போலந்து எதிர்ப்பு!

எரிவாயு பயன்பாட்டை குறைத்து அதனை குளிர்கால பயன்பாட்டிற்காக சேமிக்கும் ஐரோப்பிய ஒன்றிய நாடுகளின் இறுதி சட்டத்திற்கு ஹங்கேரி மற்றும் போலந்து நாடுகள் எதிர்ப்பு தெரிவித்துள்ளன.

உக்ரைன் ரஷ்யா இடையிலான போர் நடவடிக்கைகள் தொடங்குவதற்கு முன்பு, ரஷ்யா ஐரோப்பிய நாடுகளுக்கு கிட்டத்தட்ட 40 சதவிகித எரிவாயு விநியோகத்தை வழங்கி வந்தது.

உக்ரைன் போரை எதிர்த்து ஐரோப்பிய நாடுகள் விதித்த அடுத்தடுத்த தடைகளை தொடர்ந்து, ரஷ்யா ஐரோப்பிய நாடுகளுக்கு வழங்கி வந்த எரிவாயு ஏற்றுமதியை கணிசமான அளவிற்கு குறைத்தது.

Credit: ANI

இந்தநிலையில் ஐரோப்பிய ஒன்றிய நாடுகள் கடந்த வாரம் ரஷ்யாவிடம் இருந்து பெரும் தங்களது எரிவாயு தேவை குறைப்பதற்காகவும், எரிவாயு சேமிப்பை அதிகரிக்கும் நோக்கிலும், ஐரோப்பிய உறுப்பு நாடுகள் தானாக முன்வந்து இந்த குளிர்காலத்தில் தங்களது எரிவாயு பயன்பாட்டை 15%-மாக குறைக்குமாறு கேட்டுக் கொண்டன.

இந்த புதிய ஒப்பந்தத்தை செயல்படுத்தும் சட்டத்திற்கு பெரும்பாலான ஐரோப்பிய ஒன்றிய நாடுகள் வெள்ளிக்கிழமை முறைப்படி ஒப்பதல் அளித்தன.

ஐரோப்பிய நாடுகளின் இந்த பேச்சுவார்த்தைகளுக்கு தலைமை தாங்கும் செக் குடியரசு வெளியிட்டுள்ள ஆவணத்தின் படி, ஹங்கேரி மற்றும் போலந்து தவிர அனைத்து நாடுகளும் சட்டத்திற்கு ஒப்புதல் அளித்துள்ளன என தெரியவந்துள்ளது.

Credit: Reuters

இதற்கு ரஷ்யாவிடம் இருந்து அதிக எரிவாயு வாங்குவதற்கான பேச்சுவார்த்தையில் ஹங்கேரி ஈடுபட்டு இருந்த நிலையில், ஐரோப்பிய ஒன்றிய நாடுகளின் ஒப்பந்தத்தை ஹங்கேரி முதல் நாடாக எதிர்த்தது.

இதனைத் தொடர்ந்து கடந்த வாரம் ஒப்பந்தத்தை ஆதரித்த போலந்தும் தற்போது இறுதிச் சட்டத்தை எதிர்த்துள்ளது.

கூடுதல் செய்திகளுக்கு: நெருக்கும் சீனா... தைவானுக்கு பேரிடியாக வெளியான சம்பவம்

இதற்கு சட்டத்தில் அடிப்படை குறைபாடுகள் உள்ளது என்றும், உறுப்பு நாடுகளின் ஆற்றல் கலவையை பாதிக்கும் முடிவுகள் அனைத்து நாடுகளின் ஒருமனதான ஒப்புதலுடன் எடுக்கப்பட வேண்டும் என்றும் போலந்து கருத்து தெரிவித்துள்ளது.