லங்காசிறி FM
Citroen C3 Aircross காருக்கு ரூ.1 லட்சம் தள்ளுபடி.. சலுகை சில நாட்களுக்கு மட்டுமே..
Ragavan
in தொழில்நுட்பம்
பண்டிகை சீசன் என்பதால், பல கார் நிறுவனங்கள் பல சலுகைகளுடன் விற்பனையை அதிகரிக்க முயற்சித்து வருகின்றன. மாருதி சுஸுகி, ஹோண்டா, ஹூண்டாய் போன்ற பிராண்டுகள் தங்கள் தயாரிப்புகளுக்கு பெரும் தள்ளுபடி சலுகைகளை அறிவித்துள்ளன.
இந்நிலையில், ஹூண்டாய் க்ரெட்டா மற்றும் கியா செல்டோஸ் வகைகளுக்கு போட்டியாக சந்தையில் களமிறங்கியிருக்கும் Citroen நிறுவனமும் மிகப்பெரிய சலுகையை அறிவித்து வாடிக்கையாளர்களை கவரும் முயற்சியில் ஈடுபட்டுள்ளது.
Citroen அதன் புதிய C3 Aircross காருக்கு ரூ. 1 லட்சம் சலுகை அல்லது ரூ. 90,000 நேரடி பண தள்ளுபடியை அறிவித்துள்ளது. இப்போது இந்த கார் சலுகையின் முழு விவரங்களைப் பார்ப்போம்.
கடந்த மாதம் வரை, பிரெஞ்சு உற்பத்தியாளரான Citroen புதிய C3 Aircross காருக்கு ரூ. 55,000 மதிப்புள்ள பல்வேறு சலுகைகளை அறிவித்திருந்தது. ஆனால், இப்போது இந்த மிட்-ரேஞ்சு எஸ்யூவி காருக்கு ரூ.1 லட்சம் வரையிலான தள்ளுபடியை அறிவித்துள்ளது. இப்போது இந்த சலுகை எவ்வாறு பொருந்தும் என்பதை தெரிந்து கொள்வோம்..
எப்படி தள்ளுபடி பெறுவது..
இந்த பண்டிகை காலத்தில் இந்த Citroen C3 Aircross காரை வாங்கினால் ரூ. 30,000 ரொக்க தள்ளுபடி, மேலும் ஐந்து ஆண்டுகளுக்கு அல்லது 60,000 கி.மீ நீட்டிக்கப்பட்ட வாரன்டி ரூ. 25,000, அத்துடன் ரூ. 45,000 மதிப்புள்ள வருடாந்திர சேவை மற்றும் பராமரிப்பு தொகுப்பு. இவையெல்லாம் வேண்டாம் என்றால் நேரடி பணத் தள்ளுபடியைப் பெறலாம். அப்போது அதிகபட்சமாக ரூ. 90,000 நேரடி பண தள்ளுபடி கிடைக்கும்.
சிட்ரோயன் சி3 ஏர்கிராஸ் விவரக்குறிப்புகள்
செப்டம்பரில் சிட்ரோயன் C3 ஏர்கிராஸை அறிமுகப்படுத்தியது. இது U, Plus மற்றும் Max என மூன்று வகைகளில் கிடைக்கிறது. அதன் பிரிவில் 5 மற்றும் 5+2 இருக்கைகளை வழங்கும் ஒரே நடுத்தர அளவிலான SUV இதுவாகும்.
இந்த காரில் 1.2 லிட்டர் டர்போ பெட்ரோல் எஞ்சின் மூலம் 109Nm மற்றும் 190Nm டார்க் கிடைக்கிறது. இது 6-ஸ்பீடு மேனுவல் டிரான்ஸ்மிஷனுடன் மட்டுமே வருகிறது. இந்த கார் ஒரு லிட்டர் பெட்ரோலுக்கு 18.5 கிமீ மைலேஜ் தரும். இதன் விலை ரூ. 9.99 லட்சம் தொடங்கி ரூ. 12.34 லட்சம் (எக்ஸ்-ஷோரூம்) வரை நிரநயிக்கப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Citroen cars Festival Offers, Citroen C3 Aircross Rs 1 lakh discount, Citroen cars in India, Citroen C3 Aircross price, Citroen C3 Aircross Variants
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
சரசாலை வடக்கு, சுவிஸ், Switzerland, England, United Kingdom
14 Sep, 2020
