புளோரிடாவில் இடிந்து விழுந்த கிரேன்! காரில் சென்ற பெண்ணுக்கு காத்திருந்த அதிர்ச்சி

புளோரிடாவில் கிரேன் இடிந்த விபத்தில் கட்டுமான தொழிலாளி ஒருவர் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.

கிரேன் இடிந்த விபத்து

புளோரிடாவின் Fort Lauderdale பகுதியில் நேற்று மாலை 4.30 மணியளவில் கிரேன் ஒன்றின் ஒரு பகுதி இடிந்து விழுந்த பயங்கர விபத்து ஏற்பட்டது.

இதில், ஒரு கட்டுமான பணியாளர் உயிரிழந்ததுடன் இரண்டு பேர் காயமடைந்துள்ளனர்.

Fort Lauderdale தீயணைப்பு துறை அதிகாரிகளின் தகவல் படி, புதிய ஆற்றின் மீதுள்ள தென்கிழக்கு மூன்றாவது அவென்யூ பாலத்தின் அருகே கிரேன் நிறுவப்படும் போது, இயந்திர கோளாறு காரணமாக பெரிய பகுதி தரையில் இடிந்து விழுந்தது.

?#Breaking: Fort Lauderdale, Florida: Crane collapse on bridge injures (2) and kills (1).

Emergency crews on scene. Witnesses report two loud crashes. Situation developing.#FortLauderdale #CraneCollapse pic.twitter.com/pGsQE9ouWx

— World News Global (@WorldNewsGb) April 4, 2024

பிரித்தானியாவை தாக்கும் கேத்லீன் புயல்: கனமழை, பனி, பலத்த காற்று எச்சரிக்கை

கீழே விழுந்த இடிபாடுகள் பாலத்தை சேதப்படுத்தியதுடன், அந்த நேரத்தில் பாலத்தில் சென்று கொண்டிருந்த காரையும் சேதப்படுத்தியது.

கீழே விழுந்த கிரேன் பகுதியுடன் சேர்ந்து விழுந்த கட்டுமான தொழிலாளி (அவரது பெயர் அதிகாரிகளால் வெளியிடப்படவில்லை) பலத்த காயமடைந்து உயிரிழந்தார்.

தாக்கப்பட்ட காரில் இருந்த பெண் கடுமையாக காயமடைந்ததால் மருத்துவமனைக்கு கொண்டு செல்லப்பட்டார்.

மற்றொரு நபர் கட்டுமான தொழிலாளியாக இருக்கலாம் என தெரிவிக்கப்பட்டுள்ளது.

விபத்துக்கான காரணம்

இந்த கடினமான நேரத்தில் உயிரிழந்தவரின் குடும்பத்தினருக்கும்  உறவினர்களுக்கும் எங்கள் ஆழ்ந்த இரங்கல்கள் என்று Fort Lauderdale தீயணைப்பு துறையினர் தெரிவித்துள்ளனர்.

பிரித்தானியாவில் பட்டப்பகலில் பயங்கரம்! மான்செஸ்டரில் 17 வயது சிறுவனுக்கு கத்திக்குத்து

கிரேன் செயலிழந்ததற்கான காரணம் குறித்து அதிகாரிகள் இதுவரை எந்த தகவலையும் வெளியிடவில்லை.

  விபத்துக்கு என்ன காரணம் என்பதை கண்டறிய தொழில் பாதுகாப்பு மற்றும் சுகாதார நிர்வாகம்  தற்போது விசாரணை நடத்தி வருகிறது.