லங்காசிறி FM
உக்ரைனில் வெளிநாட்டு போர் வீரர்கள் கொல்லப்படுவார்கள்! நட்பு நாடுகளுக்கு புடின் எச்சரிக்கை!
உக்ரைனில் வெளிநாட்டு வீரர்கள் குவிக்கப்பட்டால் அவர்கள் ரஷ்ய படைகளால் குறி வைக்கப்படுவார்கள் என ரஷ்ய ஜனாதிபதி விளாடிமிர் புடின் எச்சரித்துள்ளார்.
புடின் எச்சரிக்கை
உக்ரைன் - ரஷ்யா போர் நடவடிக்கை தொடர்ந்து கொண்டிருக்கும் நிலையில், உக்ரைன் நாட்டில் வேறு நாடுகளை சேர்ந்த போர் வீரர்கள் களமிறக்கப்பட்டால் அவர்கள் சட்டபூர்வமான இலக்காக கருதப்படுவார்கள் என ரஷ்ய ஜனாதிபதி புடின் எச்சரித்துள்ளார்.
கிழக்கு பொருளாதார மாநாட்டில் பேசிய புடின், இந்த கருத்தை தெரிவித்துள்ளார். உக்ரைனில் நடைபெற்று வரும் போர் நடவடிக்கைகள் நிறைவடைந்த பிறகு, உக்ரைனின் பாதுகாப்பை உறுதிப்படுத்தும் விதமாக பிரித்தானியா, பிரான்ஸ் உட்பட 26 நாடுகள் தங்கள் இராணுவ வீரர்களை உக்ரைனில் நிலைநிறுத்துவதற்கு ஒப்புக் கொண்டனர்.
உக்ரைன் நட்பு நாடுகளின் இந்த அறிவிப்புக்கு பிறகே புடின் இந்த அறிவிப்பை வெளியிட்டு இருப்பது குறிப்பிடத்தக்கது.
மேலும் உக்ரைனில் அமைதி திரும்பிய பிறகு, அங்கு ராணுவ வீரர்களை நிலைநிறுத்துவதற்கான எந்தவொரு தேவையும் இல்லை என புடின் வாதிட்டுள்ளார்.
அத்துடன் ரஷ்யா மேற்கொள்ளப்படும் எந்தவொரு சமாதான உடன்படிக்கைகளையும் மதிக்கும் என்று தெரிவித்துள்ளார்.
அதே சமயம், இதற்கு முந்தைய புடாபெஸ்ட் ஒப்பந்தம் உட்பட பல அமைதி ஒப்பந்தங்களை ரஷ்யா மீறி இருப்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு 9ம் வட்டாரம், யாழ்ப்பாணம், கொழும்பு
12 Oct, 2005
