லங்காசிறி FM
ஜேர்மனியின் புதிய எல்லைக் கட்டுப்பாடுகள்: ஐரோப்பாவின் உள்நாட்டு சந்தைக்கு பாதிப்பு
ஜேர்மனியின் புதிய எல்லைக் கட்டுப்பாடுகள் ஐரோப்பாவின் உள்நாட்டு சந்தையை பாதிக்கக்கூடும் என போலந்து எச்சரிக்கை விடுத்துள்ளது.
ஜேர்மனி புதிய குடிவரவு கட்டுப்பாடுகளை மே 6 முதல் அமுல்படுத்த உள்ளதாக அறிவித்துள்ள நிலையில், இது ஐரோப்பிய ஒன்றியத்தின் (EU) உள்நாட்டு சந்தையின் செயல்பாட்டை பாதிக்கக்கூடும் என போலந்து எச்சரித்துள்ளது.
ஜேர்மனியின் புதிய சேன்சலராக பொறுப்பேற்கவுள்ள ஃப்ரெட்ரிக் மெர்ஸ் தலைமையிலான ஆட்சி, போலந்து எல்லையில் கடும் அடையாள சரிபார்ப்பு நடவடிக்கைகள் எடுப்பதாக தெரிவிக்கப்பட்டுள்ளது.
இதனிடையே, மெர்ஸின் எதிர்கால தலைமைச் செயலாளர் தோர்ஸ்டன் ஃப்ரை, “சட்டவிரோதமாக ஜேர்மனிக்குள் நுழைய முயற்சிக்கிறவர் எல்லையில் தடுத்து நிறுத்தப்படுவார்கள்” என்று கூறியுள்ளார்.
இந்த நடவடிக்கைகள், ஜேர்மனியில் வலுக்கும் குடிவரவு எதிர்ப்பு மனப்பான்மையை அடக்குவதற்கும், கடந்த தேர்தலில் இரண்டாவது இடத்தை பெற்ற தீவிர வலதுசாரி AfD கட்சியின் ஆதரவை குறைக்கவும் எடுக்கப்பட்டதாகக் கூறப்படுகிறது.
இந்நிலையில், போலந்தின் ஜேர்மானிய தூதுவர் ஜான் டோம்பின்ஸ்கி, "ஏற்கனவே உள்ள எல்லை கட்டுப்பாடுகள் கூட தினசரி வர்த்தகம் மற்றும் ஐரோப்பிய ஒன்றியத்தின் உள்நாட்டு சந்தையை பாதிக்கின்றன. மேலும் கட்டுப்பாடுகள் தேவையில்லை," என Politico இணையதளத்தில் கூறியுள்ளார்.
EU சட்டத்தின் கீழ், புலம்பெயர்ந்தோரின் விண்ணப்பங்களை உள்ளக எல்லைகளில் நிராகரிக்க முடியாது என்றும், புலம்பெயர்ந்தோர் ஜேர்மனிக்குள் நுழைய அனுமதிக்கப்பட வேண்டும் என்றும் அவர் சுட்டிக்காட்டினார்.
மெர்ஸ் வரும் புதன்கிழமை போலந்துக்கு பயணம் செய்ய உள்ளார். அங்கு அவரது கடுமையான எல்லைக் கொள்கையை பாதுகாப்பதற்கான முயற்சியை மேற்கொள்ள வாய்ப்புள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Germany Poland border control, EU internal market threat, Friedrich Merz immigration policy, Germany migration laws 2025, AfD Germany border security, Poland warns Germany border checks, EU asylum policy news, European Union internal market
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
