லங்காசிறி FM
இஸ்ரேலுக்கு ஆயுத ஏற்றுமதியை மீண்டும் தொடங்கும் ஜேர்மனி
ஜேர்மன் அரசு, கடந்த ஆகஸ்டில் இடைநிறுத்தப்பட்டிருந்த இஸ்ரேலுக்கான ஆயுத ஏற்றுமதியை மீண்டும் தொடங்குவதாக அறிவித்துள்ளது.
காசா போருக்குப் பின் கடந்த மாதம் எட்டப்பட்ட சமாதான ஒப்பந்தத்திற்குப் பிறகு இந்த முடிவு எடுக்கப்பட்டுள்ளது.
ஜேர்மன் அரசாங்க செய்தித்தொடர்பாளர், “இனி ஆயுத ஏற்றுமதி அனுமதிகள் ஒவ்வொரு வழக்கையும் தனித்தனியாக ஆய்வு செய்து வழங்கப்படும். நிலைமைகள் மாறினால் அதற்கேற்ப நடவடிக்கை எடுக்கப்படும்” எனக் கூறியுள்ளார்.
ஆகஸ்டில், காசா போரின்போது மக்கள் எதிர்ப்பு அதிகரித்ததால், ஜேர்மனி சில ஆயுத ஏற்றுமதிகளை நிறுத்தியது. குறிப்பாக, காசாவில் பயன்படுத்தக்கூடிய ஆயுதங்கள் மற்றும் அமைப்புகள் தடை செய்யப்பட்டன.
ஆனால், வெளிப்புற தாக்குதல்களுக்கு எதிராக இஸ்ரேல் தன்னை பாதுகாக்க தேவையான உபகரணங்கள் அனுமதிக்கப்பட்டன.
அமெரிக்காவுக்கு அடுத்தபடியாக, இஸ்ரேலுக்கு பெரிய அளவில் ஆயுதங்களை ஏற்றுமதி செய்யும் நாடாக ஜேர்மனி இரண்டாம் இடத்தில் உள்ளது.
இடைநிறுத்தப்பட்ட காலத்தில் கூட, ஜேர்மனி குறைந்தது 2.46 மில்லியன் யூரோ மதிப்பிலான புதிய ஆயுத ஏற்றுமதி அனுமதிகளை வழங்கியிருந்தது. இவை “போர் ஆயுதங்கள்” அல்ல, “மற்ற இராணுவ உபகரணங்கள்” என ஜேர்மன் அரசு விளக்கம் தெரிவித்திருந்தது.
அதே நேரத்தில், ஜேர்மனி, இஸ்ரேல்-பாலஸ்தீன ,ஓதலுக்கு இரு மாநிலத் தீர்வு அடிப்படையில் நீடித்த சமாதானத்தை ஆதரிப்பதாகவும், காசா மறுசீரமைப்பில் தொடர்ந்து பங்கு பெறுவதாகவும் தெரிவித்துள்ளது.
ஜேர்மனியின் வெளியுறவு கொள்கை மற்றும் உள்நாட்டு அழுத்தங்களுக்கு இடையே சமநிலை காணும் முயற்சியாக இந்த முடிவு எடுக்கப்பட்டுள்ளதாக கருதப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Germany arms exports Israel November 24, Berlin lifts suspension on Israel weapons, Gaza ceasefire Germany arms policy change, Germany Israel military equipment exports, Germany case-by-case arms export review, Ulrich Thoden parliamentary inquiry arms sales, Germany 2.46 mn Euro Israel arms permits 2025, US and Germany top Israel arms suppliers, Germany supports two-state peace solution, Germany Gaza reconstruction and arms policy
புங்குடுதீவு 3ம் வட்டாரம், Blackburn England, United Kingdom, Edinburgh, Scotland, United Kingdom
23 Jan, 2026
Kathirippai, அச்சுவேலி, விசுவமடு
19 Feb, 1997
புங்குடுதீவு 6ம் வட்டாரம், புங்குடுதீவு 3ம் வட்டாரம், Southgate, United Kingdom
08 Mar, 2016
நெடுந்தீவு மேற்கு 4ம் வட்டாரம், நல்லூர்
09 Feb, 2026
