லங்காசிறி FM
ஹமாஸின் பிரம்மாண்ட சுரங்கப் பாதைக்குள் அதிநவீன வசதிகள்: திகைப்படைந்த இஸ்ரேலிய ராணுவம்
காசாவில் ஹமாஸ் அமைப்பினரின் மிகப்பெரிய சுரங்க வழிப் பாதையை இஸ்ரேல் பாதுகாப்பு படை வீரர்கள் ஞாயிற்றுக்கிழமை கண்டுபிடித்துள்ளனர்.
பிரம்மாண்ட சுரங்க பாதை
இஸ்ரேல்-ஹமாஸ் இடையிலான போர் நடவடிக்கையில் காசாவில் தரைவழி தாக்குதலை நடத்தி வரும் இஸ்ரேலிய பாதுகாப்பு படை, ஹமாஸ் அமைப்பின் மிகப்பெரிய சுரங்க பாதை அமைப்பை கண்டுபிடித்துள்ளது.
4 கி.மீ தூரத்திற்கு பரந்து விரிந்துள்ள இந்த சுரங்கப்பாதை அமைப்பு Erez எல்லை கடப்பு பகுதியில் இருந்து 400 மீட்டர் தொலைவில் தொடங்குவதாக இஸ்ரேல் ராணுவம் தெரிவித்துள்ளது.
EXPOSED: The biggest Hamas terrorist tunnel discovered.
— Israel Defense Forces (@IDF) December 17, 2023
This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL
அத்துடன் தேன்கூடு அமைப்பிலான வலைப்பின்னல் சுரங்கப் பாதைக்குள் மின்சார வசதி, ரயில் தண்டவாளங்கள், தொலை தொடர்பு நெட்வொர்க் வசதி, கழிவுநீர் வெளியேற்றம், காற்றோட்ட வசதி ஆகியவை வெகு சிறப்பாக செய்யப்பட்டு இருப்பதாகவும் இஸ்ரேலிய பாதுகாப்பு படை தெரிவித்துள்ளது.
அத்துடன் சுரங்கத்தின் சுவர்கள் வலுவான கான்கிரீட் பூசப்பட்டு இருப்பதுடன், அதன் நுழைவு வாயில் 1.5 செ.மீ தடிமன் கொண்ட உலோக உருளை போன்ற அமைப்புடன் வடிவமைக்கப்பட்டு இருப்பதாக வீடியோ ஆதாரத்துடன் இஸ்ரேலிய பாதுகாப்பு படை தகவல் வெளியிட்டுள்ளது.
திகைப்பில் இஸ்ரேல்
இந்த கட்டமைப்பை வடிவமைப்பதற்கு பல மில்லியன் டொலர் செலவும், பல ஆண்டுகள் கால அளவும் எடுத்து இருக்கும் என்று இஸ்ரேல் நிபுணர்கள் தெரிவித்துள்ளனர்.
இஸ்ரேல் வெளியிட்டுள்ள தகவல்களின் அடிப்படையில், இந்த சிக்கலான வலைப்பின்னல் சுரங்கப்பாதையை வடிவமைத்தவர் அக்டோபர் 7ம் திகதி நடத்தப்பட்ட தாக்குதலுக்கு மூளையாக இருந்த ஹமாஸ் அமைப்பின் தலைவர் யஹ்யா சின்வாரின் சகோதரர் மொஹமட் யஹ்யா என்று இஸ்ரேலிய படைகள் தெரிவித்துள்ளனர்.
மேலும் இந்த சுரங்கப்பாதையில் இருந்து தாக்குதலுக்கு தயாராக வைக்கப்பட்டு இருந்த ஆயுதங்கள் பலவற்றையும் கைப்பற்றி இருப்பதாக இஸ்ரேல் தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Israel, Israel Hamas War, Hamas, Hamas Tunnel, drainage systems, electricity, ventilation, sewage, communication network, Gaza Strip, Israeli army, Palestinian
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
