6000 மின்சார கையுறைகளை வாங்கும் ICE: 16.7 மில்லியன் டொலர் ஒதுக்கிய அமெரிக்கா

ICE Executed contract for 6000 shock-delivering gloves: மின்சார கையுறைகளை வாங்க அமெரிக்கா ஒப்பந்தம் மேற்கொண்டு இருப்பது பெரும் சர்ச்சையை ஏற்படுத்தியுள்ளது.

மின்சார கையுறைகள்

சுமார் 16.7 மில்லியன் டொலர் மதிப்பில் மின் அதிர்ச்சி ஏற்படுத்தக்கூடிய 6000 கையுறைகளை வாங்க அமெரிக்க குடிநுழைவு மற்றும் சுங்க அமலாக்கத் துறை(ICE) ஒப்பந்தம் மேற்கொண்டு இருப்பது பெரும் சர்ச்சையை ஏற்படுத்தியுள்ளது.

மின்சார கையுறைகளை உள்நாட்டு பாதுகாப்புத் துறை பயன்படுத்த போவதாக அறிவித்ததில் இருந்து எதிர்க்கட்சிகள் மற்றும் மனித உரிமை அமைப்புகள் கடுமையான கண்டனங்களை தெரிவித்து வருகின்றனர்.

ஸ்பெயினில் வில்லேனா தங்க பொக்கிஷம் கொள்ளை: சில நிமிடங்களில் நடந்த துணிகர திருட்டு

குடியேற்ற பாதுகாப்பு கொள்கையின் கீழ் ஏற்கனவே ICE கடுமையான விமர்சனங்களை சந்தித்து வரும் நிலையில் இந்த முன்னெடுப்பு மேற்கொள்ளப்பட்டுள்ளது.

சமீபத்திய காலங்களில் கடுமையான குடியேற்ற கொள்கையின் கீழ் அதிகாரிகளுக்கும் புலம்பெயர்ந்தோர் மற்றும் போராட்டகாரர்களுக்கும் இடையே நடைபெற்ற மோதல்களில் பலர் உயிரிழந்தது குறிப்பிடத்தக்கது.

மின்சார கையுறையின் செயல்பாடுகள்

இந்த மின்சார கையுறைகள் வழக்கமான  ரோந்து பணியில் பயன்படுத்தப்படும் கையுறைகளை போன்றே இருக்கும்.

ஆனால் அதில் உள்ள பொத்தானை அழுத்துவதன் மூலம் மின்சார கையுறை வாயிலாக தொடும் நபருக்கு கடுமையான மின்சார அதிர்ச்சிகள் ஏற்படும்.

இந்த கையுறைகள் கைது நடவடிக்கை, கலவரம் மற்றும் கைதிகளை அழைத்து செல்லும் போது பயன்படுத்தப்படும்.

அதிகாரிகளுக்கு ஏற்படும் காயங்களை தவிர்க்கவும், நிலைமையை கட்டுக்குள் கொண்டு வரவும் இந்த கையுறைகள் மிகவும் உதவிகரமாக இருக்கும் என்று தெரிவிக்கப்பட்டுள்ளது.