லங்காசிறி FM
ரியாத் விமான நிலையம் மீது ஏவுகணை தாக்குதல் - இந்தியர்கள் பாதிப்பு
Indian Killed, 10 Hurt in Saudi Airport Strike: ரியாத் விமான நிலைய தாக்குதலில் இந்தியர்கள் பாதிக்கப்பட்டுள்ளனர்.
ரியாத் விமான நிலையம் மீது ஏவுகணை தாக்குதல்
சவுதி அரேபியாவின் தலைநகர் ரியாத் நகரில் உள்ள கிங் கலித் சர்வதேச விமான நிலையம் மீது ஹவுதி கிளர்ச்சியாளர்கள் ஏவுகணை தாக்குதல் நடத்தியதில் பெரும் உயிரிழப்பு ஏற்பட்டுள்ளது.
இந்த தாக்குதலில் 13 பேர் உயிரிழந்ததோடு, 300-க்கும் மேற்பட்டோர் காயமடைந்தனர்.
இந்தியர்கள் பாதிப்பு
இந்த தாக்குதலில் ஒரு இந்தியர் உயிரிழந்தார். மேலும் 10 இந்தியர்கள் பலத்த காயங்களுடன் மருத்துவமனையில் சிகிச்சை பெற்று வருகின்றனர்.
இந்திய தூதரகம் உடனடியாக நடவடிக்கை எடுத்து, காயமடைந்தவர்களின் நிலையை அறிந்து, அவர்களுக்கு தேவையான உதவிகளை வழங்கி வருகிறது.
தூதரகம் வெளியிட்ட அறிக்கையில், “காயமடைந்த இந்தியர்களின் குடும்பத்தாருடன் தொடர்பில் உள்ளோம். உயிரிழந்தவரின் உடலை விரைவில் இந்தியாவுக்கு கொண்டு செல்ல ஏற்பாடுகள் செய்யப்படும்” என்று தெரிவித்துள்ளது.
தாக்குதலுக்குப் பிறகு வெளியான வீடியோ காட்சிகள் உலகம் முழுவதும் அதிர்ச்சியை ஏற்படுத்தியுள்ளது. விமான நிலையத்தின் தரைமட்டத்தில் சிதறிய கண்ணாடிகள், இடிபாடுகள், தூசியில் மூழ்கிய பயணிகள் ஆகிய காட்சிகள் அந்த தாக்குதலின் கொடூரத்தைக் காட்டுகின்றன.
சவுதி தலைமையிலான கூட்டணி, இந்த தாக்குதலுக்கு காரணம் ஹவுதி கிளர்ச்சியாளர்கள் என தெரிவித்துள்ளது.
ஹவுதி தரப்பும் சமீபத்தில் சவுதி விமான நிலையங்கள் மற்றும் எண்ணெய் நிலையங்களை குறிவைத்து தாக்குதல் நடத்தியதை ஒப்புக்கொண்டுள்ளது. ஆனால் இந்த தாக்குதலுக்கான நேரடி பொறுப்பை ஏற்கவில்லை.
இந்த தாக்குதல் சவுதி அரேபியாவின் விமான நிலையங்கள் மற்றும் விமானப் பயணங்கள் மீது புதிய அச்சத்தை ஏற்படுத்தியுள்ளது. ரியாத் நகரில் பாடசாலைகள் ஓன்லைன் வகுப்புகளுக்கு மாற்றப்பட்டுள்ளன. உலகளாவிய எண்ணெய் விநியோகம் மற்றும் கடல் போக்குவரத்துக்கும் இந்த தாக்குதல் பாதிப்பை ஏற்படுத்தும் அபாயம் உள்ளது.
இந்திய அரசு, சவுதி அரேபியாவில் உள்ள இந்தியர்களுக்கு எச்சரிக்கை விடுத்து, அவசியமில்லாமல் விமான நிலையங்களுக்கு செல்ல வேண்டாம் என அறிவுறுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
