லங்காசிறி FM
இஸ்ரேலுக்கு எதிராக அமெரிக்க புலனாய்வு அறிக்கை - அணுஆயுதம் தயாரிக்க ஈரானுக்கு இன்னும் 3 ஆண்டுகள் தேவைப்படும்
அணுஆயுதம் தயாரிக்க ஈரானுக்கு இன்னும் 3 ஆண்டுகள் தேவைப்படும் என அமெரிக்க புலனாய்வு தெரிவித்துள்ளது.
இஸ்ரேல் கடந்த வாரம் ஈரான் மீது மிகப்பாரிய ராணுவ தாக்குதலை நடத்தியது. காரணம் - ஈரான் மிக விரைவில் அணுஆயுதம் உருவாக்கும் நிலையை எட்டிவிட்டது என்ற இஸ்ரேலின் அறிக்கை.
ஆனால், தற்போது அமெரிக்காவின் புலனாய்வுத் தகவல்கள் இஸ்ரேலின் கருத்தை மறுக்கின்றன.
CNN அறிக்கையின் படி, ஈரான் இன்னும் 3 வருடங்கள் அணுஆயுதம் தயாரிக்கத் தேவைப்படும் நிலையில் உள்ளது.
“அணுஆயுதம் கட்டுவதற்கான எல்லைக்கு அருகில் இருப்பது மட்டும் தான். ஆனால் அதைத் தாண்டவில்லை,” என அமெரிக்க அதிகாரி ஒருவர் தெரிவித்துள்ளார்.
இதுவரை இந்த மோதலில் ஈரானில் 224 பேர் மற்றும் இஸ்ரேலில் 24 பேர் உயிரிழந்துள்ளனர்.
இஸ்ரேலின் தாக்குதலில் நடாஞ்ஸ் மற்றும் இஸ்பஹான் ஆகிய இடங்களில் இருந்த அணு உற்பத்தி நிலையங்கள் சேதமடைந்தாலும், மலைக்கீழ் இருக்கும் Fordow enrichment site தாக்கப்படவில்லை.
CNN-க்கு பேசிய பாதுகாப்பு வல்லுநர்கள் கூறும்போது, இஸ்ரேலிடம் Fordow-வை அழிக்கும் திறன் இல்லை, அமெரிக்க துணை அவசியம் என தெரிவித்தனர்.
IAEA (சர்வதேச அணுஆயுத அமைப்பு) கூறியபடி, ஈரான் தற்போது 9 அணுஆயுதங்களுக்கு போதுமான யூரேனியம் வைத்திருப்பது பெரும் கவலையாகும்.
இஸ்ரேலின் பிரதமர் நெதன்யாஹு, “ஈரான் இரகசிய திட்டத்தின் கீழ் உரேனியத்தை ஆயுதமாக மாற்றி வருகிறது,” என Fox News-ல் கூறினார். ஆனால் அமெரிக்காவின் புலனாய்வு நிச்சயமாக அந்த நிலையை உறுதிப்படுத்தவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Iran nuclear weapons report, US intelligence on Iran nukes, Israel Iran war 2025 updates, Fordow nuclear facility untouched, Netanyahu Iran nuclear claims, IAEA uranium stockpile Iran, Tulsi Gabbard Iran testimony, US Israel Iran conflict latest
