லங்காசிறி FM
புதிய களத்திற்கு விரிவடையும் போர்... இந்தியப் பெருங்கடலில் ஏவுகணை வீசிய ஈரான்
ஈரானுக்கும் அமெரிக்காவிற்கும் இடையிலான போர், இரண்டு தனித்தனி தாக்குதல்கள் மூலம் இந்தியப் பெருங்கடல் பகுதிக்குத் தீர்க்கமாக நகர்ந்துள்ளது.
பாலிஸ்டிக் ஏவுகணை
இது, மத்திய கிழக்கில் இருந்து புதிய களத்திற்கு விரிவடைவதாகவும் குறிக்கப்படுகிறது. அமெரிக்க அதிகாரிகள் தெரிவித்துள்ளதாக வால் ஸ்ட்ரீட் ஜர்னல் வெளியிட்டுள்ள தகவலின் அடிப்படையில்,
ஈரான், சாகோஸ் தீவுகளில் உள்ள டியாகோ கார்சியாவில் அமைந்துள்ள அமெரிக்கா மற்றும் பிரித்தானியாவின் கூட்டு இராணுவத் தளத்தின் மீது இரண்டு பாலிஸ்டிக் ஏவுகணைகளை ஏவியதாக கூறப்படுகிறது.
ஆனால் இரண்டு ஏவுகணைகளும் இலக்கை எட்டவில்லை என்றே தகவல் வெளியாகியுள்ளது. இந்தத் தளம் ஈரானியப் பகுதியிலிருந்து சுமார் 4,000 கி.மீ. தொலைவில் அமைந்துள்ளது.
இந்தத் தொலைவு, ஈரானால் முன்னர் அடைய முடியும் என்று நம்பப்பட்டதை விட அதிகமாகும். இதன் மூலம் ஈரானால் ஐரோப்பாவில் உள்ள தளங்களைத் தாக்க முடியும் என்ற அச்சம் எழுந்துள்ளது.
அமெரிக்காவின் குண்டுவீச்சு
சில வாரங்களுக்கு முன்பு, போரின் முதல் இந்தியப் பெருங்கடல் மோதலில், இலங்கைக்குத் தெற்கே அமெரிக்க நீர்மூழ்கிக் கப்பல் ஒன்று ஈரானியப் போர்க்கப்பலான ஐரிஸ் தேனாவை நீர்மூழ்கிக் குண்டு வீசி மூழ்கடித்ததில், 85க்கும் மேற்பட்டோர் கொல்லப்பட்டனர்.
இந்தியா நடத்திய மிலன் 2026 என்ற பலதரப்பு கடற்படைப் பயிற்சியில் பங்கேற்ற பிறகு தாயகம் திரும்பிக் கொண்டிருந்த ஒரு போர்க்கப்பல் அது. பிப்ரவரி 28 அன்று தொடங்கிய ஈரானுக்கு எதிரான போரின் முதன்மை நோக்கங்களில் ஒன்று, ஈரானின் கடற்படையை அழிப்பது என்று பென்டகன் தெரிவித்திருந்தது.
இந்த டியாகோ கார்சியா தளமானது, ஆப்கானிஸ்தான் மற்றும் ஈராக்கில் அமெரிக்காவின் குண்டுவீச்சுத் தாக்குதல்களுக்கான ஒரு தளமாகவும் செயல்பட்டுள்ளது.
ஈரானுக்கு எதிரான தற்காப்பு நடவடிக்கைகள் என லண்டன் குறிப்பிடும் நடவடிக்கைகளுக்காக அமெரிக்கா தற்போது பயன்படுத்திவரும் இரண்டு பிரித்தானியா தளங்களில் இதுவும் ஒன்றாகும்.
பிரித்தானியா, சாகோஸ் தீவுகளின் இறையாண்மையை மொரிஷியஸிடம் மீண்டும் ஒப்படைக்க ஒப்புக்கொண்டது, ஆனால் டியாகோ கார்சியாவில் உள்ள தளத்திற்கான குத்தகையைத் தக்க வைத்துக் கொண்டது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
