ஈரான் தாக்குதலில் 15 அமெரிக்க தளங்கள் சேதம்., அதிர்ச்சியளிக்கும் செயற்கைக்கோள் படங்கள்

ஈரான்-அமெரிக்கா இடையிலான போர் தீவிரமடைந்துள்ள நிலையில், ஈரான் நடத்திய ஏவுகணை மற்றும் ட்ரோன் தாக்குதலால் மத்திய கிழக்கில் உள்ள அமெரிக்க இராணுவ தளங்கள் கருணையாக சேதமடைந்துள்ளன.

ஈரான் அரசின் ஊடகங்கள் வெளியிட்ட செயற்கைக்கோள் படங்கள், அமெரிக்க அரசு இதுவரை ஒப்புக்கொண்டதை விட அதிக சேதத்தை வெளிப்படுத்துகின்றன.

ஈரான் எண்ணெய் கப்பல் மீது அமெரிக்கா தாக்குதல்., ஒப்பந்தம் குறித்து அழுத்தம்

Washington Post நடத்திய விசாரணை படி, பிப்ரவரி 28-ஆம் திகதி தொடங்கிய போரிலிருந்து இதுவரை குறைந்தது 228 கட்டிடங்கள் மற்றும் உபகரணங்கள் அழிக்கப்பட்டுள்ளன.

இதில் விமான ஹேங்கர்கள், படைவீரகள் தங்கும் இடங்கள், எரிபொருள் சேமிப்பு நிலையங்கள், விமானங்கள், ரேடார் மற்றும் தொடர்பு அமைப்புகள் அடங்கும்.

வெளியான செயற்கைக்கோள் படங்களின்படி, கத்தார் Al-Udeid Air Base-இல் உள்ள செயற்கைக்கோள் தொடர்பு மையம் சேதமடைந்துள்ளது.

பஹ்ரைன் மற்றும் குவைத் தளங்களில் இருந்த Patriot ஏவுகணை பாதுகாப்பு அமைப்புகள் பாதிக்கப்பட்டுள்ளன.

மேலும், ஜோர்டான் மற்றும் ஐக்கிய அரபு அமீரகத்தில் இருந்த THAAD பாதுகாப்பு அமைப்புகள் சேதமடைந்ததாக ஈரான் கூறியுள்ளது.

அதுமட்டுமின்றி, பஹ்ரைனில் உள்ள அமெரிக்க கடற்படை 5வது படை தலைமையகம் மற்றும் குவைத் Camp Buehring மின் நிலையம் உள்ளிட்ட பல தளங்கள் ஈரானின் தாக்குதலில் பாதிக்கப்பட்டுள்ளன.

சிறையில் சாகும் முன் எப்ஸ்டீன் எழுதிய குறிப்பு., எழுந்துள்ள புதிய சர்ச்சை

கூடுதலாக, சவுதி அரேபியாவில் இருந்த E-3 Sentry விமானம் மற்றும் எரிபொருள் டாங்கர் சேதமடைந்ததாக ஈரான் வெளியிட்ட படங்கள் காட்டுகின்றன.

இந்த தாக்குதல்களில் குறைந்தது 7 அமெரிக்க வீரர்கள் உயிரிழந்துள்ளனர். இதில் 6 பேர் குவைத்தில், ஒருவர் சவுதி அரேபியாவில். மேலும் 400-க்கும் மேற்பட்ட வீரர்கள் காயமடைந்துள்ளனர்.

ஈரான் தாக்குதல்கள் மிகத் துல்லியமாக நடத்தப்பட்டுள்ளதாக வல்லுநர்கள் கூறுகின்றனர். “சீரற்ற தாக்குதல்கள் என்று எதுவும் இல்லை. குறிவைத்த இடங்கள் அனைத்தும் துல்லியமாக தாக்கப்பட்டுள்ளன” என்று CSIS-ன் ஆலோசகர் மார்க் கான்சியன் தெரிவித்துள்ளார்.

இந்தச் செயற்கைக்கோள் படங்கள் வெளியானதால், அமெரிக்காவின் பாதுகாப்பு திறன் குறித்த கேள்விகள் எழுந்துள்ளன. போர் நிலைமை மேலும் தீவிரமடையக்கூடும் என்ற அச்சமும் அதிகரித்துள்ளது.  

இந்தியாவின் மின்சார வாகன பதிவில் புதிய சாதனை