லங்காசிறி FM
பெண்களின் திருமண வயதை 9-ஆக குறைக்கும் பிரபல நாடு! சர்வதேச அளவில் வலுக்கும் கண்டனம்
பெண்களின் திருமண வயதை குறைப்பதோடு, பெண்களின் உரிமைகளை கட்டுப்படுத்துவது குறித்தும் திட்டமிட்டு வருவதாக தகவல் வெளியாகியுள்ளது.
குறைக்கப்படும் பெண்களின் உரிமைகள்
பெண்களின் உரிமைகளை கணிசமாகக் குறைத்து, பெண்களின் சட்டபூர்வமான திருமண வயதை குறைக்கக்கூடிய சட்ட திருத்தங்களைச் செயல்படுத்த ஈராக் தயாராக உள்ளது.
பழமைவாத கூட்டணி அரசாங்கத்தால் இயக்கப்படும் இந்த முன்மொழியப்பட்ட மாற்றங்கள், இஸ்லாமிய ஷரியா சட்டத்தின் கடுமையான விளக்கங்களுடன் குடும்ப சட்டங்களை ஒழுங்குபடுத்துவதை நோக்கமாகக் கொண்டு இருப்பதாக தெரிவிக்கப்படுகிறது.
பெண்களின் திருமண வயதில் மாற்றம்
முன்மொழியப்பட்ட திருத்தங்களில் மிகவும் அதிர்ச்சியூட்டும் விதிகளில் ஒன்றாக, பெண்களின் குறைந்தபட்ச திருமண வயதை ஒன்பதாக குறைப்பதாகும்.
விவாகரத்து, குழந்தை வழக்குரிமை மற்றும் சொத்துரிமை ஆகிய பெண்களின் உரிமைகளை கட்டுப்படுத்துவதோடு இணைந்து, இந்த நடவடிக்கை பெண்களின் உரிமை குழுக்கள் மற்றும் சர்வதேச அமைப்புகளின் பரவலான கண்டனத்தைத் தூண்டியுள்ளது.
ஈராக் அரசாங்கம் இந்த நடவடிக்கைகளை "அறைகுறையான உறவுகளிலிருந்து" இளம் பெண்களை பாதுகாக்க இதனை ஒரு வழிமுறையாக நியாயப்படுத்துகிறது.
இருப்பினும், எதிர்பாளர்கள் இந்த மாற்றங்கள் குழந்தை திருமணம், குடும்ப வன்முறை மற்றும் பாலின சமத்துவமின்மை உள்ளிட்ட ஏற்கனவே உள்ள சமூக பிரச்சினைகளை அதிகரிக்கும் என்று வாதிடுகின்றனர்.
UNICEF தரவுகளின்படி, குழந்தை திருமணம் ஏற்கனவே ஈராக்கில் ஒரு குறிப்பிடத்தக்க பிரச்சினையாகும், 18 வயதிற்கு முன்பே 28% பெண்கள் திருமணம் செய்து கொள்கிறார்கள்.
இந்த புதிய சட்டங்கள் நடைமுறைப்படுத்தப்பட்டால் இந்த பிரச்சனை மேலும் அதிகரிக்கும் என்று எதிர்பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021