லங்காசிறி FM
ஈரானின் அணு நிலையங்களை அழிக்க அமெரிக்காவின் GBU-57 வெடிகுண்டை கேட்கும் இஸ்ரேல்
ஈரானின் அணு நிலையங்களை தகர்க்க இஸ்ரேல் அமெரிக்காவிடமிருந்து MOP வெடிகுண்டை கோரியுள்ளது.
ஈரான்-இஸ்ரேல் மோதல் ஐந்தாவது நாளை எட்டிய நிலையில், இஸ்ரேல் பிரதமர் பெஞ்சமின் நெதன்யாகு, ஈரானின் பனிப்பாறை அடியில் அமைந்துள்ள ‘போர்டோ எரிபொருள் செறிவூட்டும் மையம்’ போன்ற அணு உள்கட்டமைப்புகளை அழிக்க அமெரிக்காவிடம் ‘Massive Ordnance Penetrator (MOP)’ வெடிகுண்டை கோரியுள்ளார்.
MOP என்றது என்ன?
14,000 கிலோகிராம் எடையுள்ள MOP (GBU-57A/B) என்பது உலகின் சக்திவாய்ந்த non-nuclear bunker buster bomb ஆகும்.
இது 200 அடி (60 மீட்டர்) வரை பாறை மற்றும் கான்கிரீட் அடித்தளங்களை துளைக்கும் திறன் கொண்டது.
போயிங் (Boeing) நிறுவனம் உருவாக்கிய இதன் உயர்திறன் வழிகாட்டும் அமைப்புகள் (GPS + INS) இந்த குண்டை இலக்கை துல்லியமாக தாக்கச் செய்கின்றன.
MOP எப்படி செயல்படுகிறது?
இது வெடிக்காத வகையில் முதலில் நிலத்தில் பல அடி துளைத்த பிறகு உள் வெடிப்பை ஏற்படுத்துகிறது. இதனால் பாறைக்குள்ளேயே அதிர்ச்சிகரமான சேதத்தை ஏற்படுத்த முடிகிறது.
வெடிகுண்டை சுமந்து செல்லும் ஒரே விமானம் தற்போது B-2 Spirit stealth bomber ஆகும், இது ஒவ்வொன்றிலும் இரண்டு MOP-களை சுமக்க முடியும்.
ஈரானுக்கு எதிராக இஸ்ரேலின் முயற்சி
ஈரான், மத்திய இஸ்ரேலை தாக்கியுள்ளதையடுத்து, இஸ்ரேல் நவீன ஆயுதங்களை பெற்று ‘அணு பயிற்சி மையங்களை’ பூரணமாக அழிக்க திட்டமிட்டுள்ளது.
ஆனால் MOP வெடிகுண்டு அமெரிக்காவிடம் மட்டுமே உள்ளதால், அதன் அனுமதியோடு மட்டுமே இதனை பயன்படுத்த முடியும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Israel Iran conflict 2025, MOP bunker buster bomb, GBU-57A/B bomb Israel, Fordow nuclear site Iran, US Israel military support, Massive Ordnance Penetrator, B-2 Spirit stealth bomber, Iran nuclear facility attack
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015