நடுவானில் 17,400 அடி சரிந்த FlyDubai விமானம் - சவுதி அரேபியாவில் அவசரமாக தரையிறக்கம்

Dubai Israel Saudi Arabia Flight

By Ragavan Sep 30, 2026 09:24 AM GMT

Ragavan

in சர்வதேசம்

Report

Israel flight diverts to Saudi after pilot clash: நடுவானில் 17,400 அடி சரிந்த FlyDubai விமானம், சவுதி அரேபியாவில் அவசரமாக தரையிறக்கப்பட்டது.

சவுதி அரேபியாவில் அவசரமாக தரையிறங்கிய FlyDubai விமானம்

துபாயிலிருந்து இஸ்ரேலின் தலைநகர் டெல் அவிவ் நோக்கி புறப்பட்ட FlyDubai FZ 1073 விமானத்தில், இரண்டு விமானிகள் இடையே ஏற்பட்ட வன்முறை மோதல் காரணமாக, விமானம் சவுதி அரேபியாவில் அவசரமாக தரையிறங்கியது.

Israel-Flight-Diverts-to-Saudi-After-Pilot-Clash

விமானம் 34,000 அடி உயரத்தில் பறந்துகொண்டிருந்த நிலையில், திடீரென 17,400 அடி சரிந்தது, 16,600 அடி உயரத்தில் இரண்டு நிமிடங்களில் இறங்கியது.

பின்னர், 1:32 am ET-க்கு அவசர சிக்னல் அனுப்பப்பட்டது. விமானம் சவுதி அரேபியாவின் Tabuk விமான நிலையத்தில் காலை 3 மணிக்கு தரையிறங்கியது.

பயணிகள் பாதுகாப்பாக இஸ்ரேலுக்கு திரும்ப ஏற்பாடு

“விமானப் பயணத்தின் போது ஒரு சம்பவம் நடந்தது. அனைத்து பயணிகளும் பாதுகாப்பாக உள்ளனர்” என்று FlyDubai நிறுவனம் அறிவித்தது.

அதனைத் தொடர்ந்து, இஸ்ரேல் பிரதமர் பெஞ்சமின் நேதன்யாகு அலுவலகம், “நிலைமை கட்டுப்பாட்டில் உள்ளது. பயணிகள் பாதுகாப்பாக இஸ்ரேலுக்கு திரும்ப ஏற்பாடுகள் செய்யப்பட்டு வருகின்றன” என்று தெரிவித்தது.

இஸ்ரேல் அதிகாரிகள், இது கடத்தல் சம்பவம் அல்ல என்றும், விமானத்தில் உள்ள பணியாளர்கள் இடையே ஏற்பட்ட உள்நிலை பிரச்சினை என்று விளக்கமளித்துள்ளனர்.

அவசர சிக்னல் அனுப்பப்பட்டதும், இஸ்ரேல் போர் விமானங்கள் பறக்கவிடப்பட்டன. இந்த சம்பவம், சவுதி அரேபியாவில் பெருமளவு இஸ்ரேல் குடிமக்கள் ஒரே நேரத்தில் வந்த அரிதான நிகழ்வாகும்.

சவுதி அரேபியா 2022-இல் அமெரிக்கா நடத்திய சமரச முயற்சியின் ஒரு பகுதியாக, இஸ்ரேல் நோக்கி பறக்கும் விமானங்களுக்கு தனது வான்வழியை திறந்தது.

சவுதி அரசு, “பாலஸ்தீனர்களுக்கு தனி நாடு உருவாக்கப்படாமல், இஸ்ரேலுடன் முழுமையான தூதரக உறவை ஏற்படுத்த முடியாது” என்று மீண்டும் வலியுறுத்தியுள்ளது.