லங்காசிறி FM
இஸ்ரேல் விமான நிலையத்தை நோக்கி ஏவப்பட்ட ஏவுகணை- 48 மணி நேரத்தில் 3-வது தாக்குதல்
ஏமன் ஹவுதி கிளர்ச்சியாளர்கள் இஸ்ரேல் மீது தொடர்ந்து தாக்குதல் நடத்தி வருகின்றனர்.
வெள்ளிக்கிழமை, ஏமனிலிருந்து ஒரு ஏவுகணை விடப்பட்டது, ஆனால் இஸ்ரேல் ராணுவம் அதை இடைமறித்து சுட்டு வீழ்த்தியதாக அறிவித்துள்ளது.
ஹவுதி குழுவின் முகமாகப் பேசிய யாஹியா ஸரீ, "நாங்கள் பென் குரியான் விமான நிலையத்தை (Ben Gurion Airport) நோக்கி பாலிஸ்டிக் ஏவுகணை தாக்குதல் நடத்தியுள்ளோம்" என்று தெரிவித்தார்.
இது கடந்த 48 மணி நேரத்தில் இஸ்ரேல் மீது மூன்றாவது தாக்குதல் எனக் கூறினார்.
அத்துடன், "பென் குரியான் விமான நிலையம் இனி பயணிகளுக்கு பாதுகாப்பான இடமல்ல. இது இஸ்ரேல் மீது தொடர்ந்து நடக்கும் தாக்குதல்களில் முதல் கட்டம்" என்று எச்சரித்துள்ளார்.
இருப்பினும், விமான நிலைய செயல்பாடுகள் வழக்கம்போல நடந்து வருவதாக தெரிவிக்கப்படுகிறது.
மேலும், ஹவுதிகள், அமெரிக்காவின் USS Harry S. Truman விமானம் ஏற்றுச் செல்லும் போர்க்கப்பல் மீது தாக்குதல் நடத்தியதாக தெரிவித்துள்ளனர். ஆனால் இதற்கு எந்த ஆதாரமும் வழங்கப்படவில்லை.
இஸ்ரேல்-ஹூதி பிரச்சினையின் பின்னணி
இஸ்ரேல்-ஹமாஸ் போர் 2023இல் தொடங்கியதிலிருந்து, ஹவுதிகள் 100-க்கும் மேற்பட்ட தாக்குதல்களை நடத்தி வருகின்றனர்.
கிளர்ச்சிக் குழுவான ஹவுதிகள், லெபனானின் ஹிஸ்புல்லா, பாலஸ்தீன ஹமாஸ், ஈராக் ஆயுதக் குழுக்கள் மற்றும் ஈரானின் ஆதரவால் இயங்கும் "ஆக்ஸிஸ் ஆஃப் ரெசிஸ்டென்ஸ்" (Axis of Resistance) கூட்டணியில் அடங்குகின்றனர்.
இந்த தாக்குதல்கள் உலக வர்த்தக வழித்தடங்களை பாதிக்க, அமெரிக்கா கடல் பாதுகாப்பு நடவடிக்கைகளை மேற்கொண்டு வருகிறது. ஆனால், ஹவுதிகள் இனி மேலும் பல இடங்களில் தாக்குதலை விரிவுபடுத்துவோம் என எச்சரித்துள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025