லங்காசிறி FM
உக்ரைன், அமெரிக்காவுடன் முத்தரப்பு பேச்சுவார்த்தையை மறுக்கும் ரஷ்யா
அமெரிக்கா மற்றும் உக்ரைனுடன் முத்தரப்பு பேச்சுவார்த்தையில் உள்ள உரையாடல்களை ரஷ்யா மறுக்கிறது.
முத்தரப்பு பேச்சுவார்த்தை
உக்ரேனிய மற்றும் ரஷ்ய அதிகாரிகளுக்கு இடையேயான கடைசி நேரடி பேச்சுவார்த்தைகள், கடந்த ஜூலை மாதம் இஸ்தான்புல்லில் நடந்தன.
இது பெரிய கைதிகள் பரிமாற்றங்களுக்கு வழிவகுத்தது. 
இந்த நிலையில், ரஷ்ய ஜனாதிபதி விளாடிமிர் புடினின் (Vladimir Putin) தூதர் கிரில் டிமிட்ரிவ் சனிக்கிழமை மியாமிக்கு சென்றடைந்தார்.
அங்கு வெள்ளை மாளிகையின் சிறப்புத் தூதர் ஸ்டீவ் விட்காஃப் மற்றும் அமெரிக்க ஜனாதிபதி டொனால்ட் ட்ரம்பின் மருமகன் ஜாரெட் குஷ்னர் ஆகியோரின் மத்தியஸ்தத்தில், முதல் பேச்சுவார்த்தைகளுக்காக உக்ரேனிய மற்றும் ஐரோப்பிய பிரதிநிதிகள் கூடி வருகின்றனர்.
வெளியுறவுக் கொள்கை ஆலோசகர்
இதற்கிடையில் உக்ரைன், ரஷ்யா மற்றும் அமெரிக்கா சம்பந்தப்பட்ட மூன்று வழி பேச்சுவார்த்தைகள் விவாதத்தில் உள்ளன என்பதை வெளியுறவுக் கொள்கை ஆலோசகர் யூரி உஷாகோவ் மறுத்துள்ளார். 
அவர், "தற்போது, இந்த முயற்சியை யாரும் தீவிரமாக விவாதிக்கவில்லை, எனக்குத் தெரிந்தவரை அது தயாராக இல்லை" என செய்தியாளர்களிடம் தெரிவித்ததாக, ரஷ்ய செய்தி நிறுவனங்கள் தெரிவித்தன.
மேலும் அமெரிக்க, உக்ரைன் மற்றும் ஐரோப்பிய இராஜதந்திரிகளுக்கு இடையிலான முந்தைய பேச்சுவார்த்தைகளுக்குப் பிறகு மோதலை முடிவுக்குக் கொண்டுவருவதற்கான திருத்தப்பட்ட அமெரிக்க முன்மொழிவை தான் காணவில்லை என்றும் அவர் கூறினார்.
அத்துடன் மியாமி விவாதங்கள் குறித்து அதிகாரிகளுக்கு விளக்கமளிக்க டிமிட்ரிவ் விரைவில் ரஷ்யா திரும்புவார் என்றும் உஷாகோவ் தெரிவித்தார். 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அச்சுவேலி, Woodbridge, Canada
18 Dec, 2010
