லங்காசிறி FM
சமாதானம் காக்கும் இஸ்லாமிய நாடொன்று சீனாவுடன் இராணுவ ஒப்பந்தத்தில் கையெழுத்து
மத்திய கிழக்கில் போரில் ஈடுபடாத அல்லது எதிரிகள் இல்லாத நாடொன்று சீனாவுடன் இராணுவ ஒப்பந்தத்தில் கூட்டு சேர்ந்துள்ளது.
மத்திய கிழக்கு பகுதியில் இஸ்ரேல் - ஈரான் இடையிலான பதற்றம் நிலவிக்கொண்டிருக்கும் நிலையில், சமாதானம் காக்கும் நாடாக தன்னை வெளிப்படுத்தியுள்ள குவைத், தற்போது சீனாவுடன் சேர்ந்து ஒரு முக்கிய இராணுவ ஒத்துழைப்புத் திட்டத்தில் ஈடுபட்டுள்ளது.
குவைத் மற்றும் சீனாவிற்கு இடையிலான கூட்டு ஒப்பந்தத்தின்படி, வெடிகுண்டுகள் உற்பத்தி தொழிற்சாலை அமைக்கும் பிரமாண்ட திட்டம் முடிவுக்கு வரவுள்ளதாக குவைத் துணை பாதுகாப்புத் தலைவர் ஷேக் அப்துல்லா மஷால் அல்-சபாஹ் அறிவித்துள்ளார்.
இந்த திட்டம் சீனாவின் மக்கள் விடுதலைப் படையின் (PLA) 98வது ஆண்டுவிழாவில் நடைபெற்ற நிகழ்வில் தெரிவிக்கப்பட்டது.
இதில் 2019-ம் ஆண்டு தொடங்கிய இராணுவ பயிற்சி ஒத்துழைப்புகளும் விரிவடைந்து வருகின்றன எனவும் கூறப்பட்டுள்ளது.
குவைத்-அமெரிக்க உறவுகள்:
குவைத் அமெரிக்காவின் நெருங்கிய இராணுவ கூட்டாளியாக இருந்து வருகிறது. 1991 வளைகுடாப் போரின் போது, அமெரிக்கா தலைமையிலான கூட்டணி ஈராக்கிய இராணுவத்திலிருந்து குவைத்தை விடுவித்தது.
தற்போது குவைத்தில் சுமார் 13,500 அமெரிக்க இராணுவ வீரர்கள் மற்றும் 2,200 MRAP வாகனங்கள் உள்ளன. குவைத் அமெரிக்காவுடன் நல்ல உறவைக் கொண்டிருந்தாலும், சீனாவின் மீதும் பார்வை இருந்தது.
1995-ல் சீனாவுடன் இராணுவ ஒப்பந்தத்தில் கையெழுத்திட்ட முதல் வளைகுடா நாடாகவும் குவைத் இருந்துள்ளது.
தற்போது, சீனாவும் எந்த கட்டுப்பாடுகளும் இல்லாமல் குவைத் பாதுகாப்புத் தேவைகளை பூர்த்தி செய்ய தயாராக உள்ளது என்ற தகவலும் Tactical Report அமைப்பால் வெளியிடப்பட்டுள்ளது.
இந்த புதிய கூட்டுப்பணியில், குவைத் மற்றும் சீனாவின் இராணுவ உறவு புதிய உயரத்திற்கு செல்லும் என நிபுணர்கள் கருதுகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Kuwait China military deal, Kuwait ammunition factory China, Gulf arms cooperation 2025, China Kuwait joint defence project, PLA anniversary Kuwait 2025, Kuwait arms imports SIPRI, Tactical Report Kuwait weapons, US Kuwait defence relations, Middle East China military ties, Gulf states China arms projects
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024