லங்காசிறி FM
இஸ்ரேலால் நாளும் அதிகரிக்கும் அச்சுறுத்தல்... மத்திய கிழக்கு நாடொன்றின் பிரதமர் கலக்கம்
லெபனானின் தென்பகுதியில் மொத்தமாக அழித்தொழிக்கும் கொள்கையை இஸ்ரேல் பின்பற்றுவதாகக் குற்றம் சாட்டிய அந்த நாட்டின் பிரதமர், சண்டையை நிறுத்தவும் வலியுறுத்தியுள்ளார்.
உண்மையான போர் நிறுத்தம்
இஸ்ரேல் புதிய வான்வழித் தாக்குதல்களை நடத்தியதுடன், லெபனானில் பன்னிரண்டுக்கும் மேற்பட்ட இடங்களிலிருந்து மக்கள் வெளியேறுவதற்கான உத்தரவுகளையும் பிறப்பித்துள்ளது.
இஸ்ரேலியப் பிரதமர் பெஞ்சமின் நெதன்யாகு, தனது படைகள் லெபனானுக்குள் மேலும் தீவிரமாக முன்னேறியுள்ளதாகக் கூறிய மறுநாள், லெபனான் அபாயகரமான பதற்ற அதிகரிப்பை எதிர்கொண்டுள்ளதாக எச்சரித்ததுடன், விரைவான மற்றும் உண்மையான போர் நிறுத்தத்திற்கு பிரதமர் நவாஃப் சலாம் அழைப்பு விடுத்தார்.
மேலும், செய்தி ஊடகம் ஊடாக நாட்டு மக்களுக்கு உரையாற்றியுள்ள சலாம், நகரங்களையும் கிராமங்களையும் அழித்தும், அவற்றின் குடியிருப்பாளர்களை நாடு கடத்தியும், மொத்தமாக அழித்தொழிக்கும் கொள்கையையும் கூட்டுத் தண்டனையையும் இஸ்ரேல் பின்பற்றி வருவதாக குற்றம் சாட்டியுள்ளார்.
இஸ்ரேலுக்கும், ஹிஸ்புல்லா படைகளுக்கும் இடையிலான சண்டையை நிறுத்துவதற்கான போர்நிறுத்தம் ஏப்ரல் 17 அன்று அதிகாரப்பூர்வமாக அமுலுக்கு வந்தது; எனினும், அது ஒருபோதும் கடைப்பிடிக்கப்படவில்லை.
இஸ்ரேலும் ஹிஸ்புல்லாவும் ஒன்றையொன்று போர்நிறுத்தத்தை மீறியதாகக் குற்றம் சாட்டுவதுடன், மற்ற தரப்பு இழைத்ததாகக் கூறப்படும் மீறல்களையே தங்கள் தாக்குதல்களுக்கு நியாயமாகவும் கூறுகின்றன.
வெளியேற்ற எச்சரிக்கை
இந்த நிலையில், லெபனான் அரசு செய்தி ஊடகம் வெளியிட்டுள்ள தகவலில், சனிக்கிழமையன்று தெற்குப் பகுதியில் இஸ்ரேலின் பல தாக்குதல்கள் நடைபெற்றன; தெற்கு நகரமான நபாத்தியாவிற்கு அருகே, இஸ்ரேலின் ட்ரோன் தாக்குதலால் தங்கள் வீரர்கள் இருவர் கடுமையாக காயமடைந்ததாக லெபனான் இராணுவம் தெரிவித்துள்ளது.
இதனிடையே, இஸ்ரேலிய இராணுவம், நபாத்தியாவிற்கு அருகிலுள்ள கிராமங்களையும் நாட்டின் கிழக்குப் பகுதியில் உள்ள பிற பகுதிகளையும் உள்ளடக்கிய புதிய வெளியேற்ற எச்சரிக்கைகளை வெளியிட்டுள்ளது.
வடக்கு இஸ்ரேலை இலக்காகக் கொண்டு சனிக்கிழமையன்று பல தாக்குதல்களை நடத்தியதாகவும், தெற்கு லெபனானின் கந்தூரியே மற்றும் டெப்பீன் பகுதிகளுக்கு அருகே இஸ்ரேலிய வீரர்களுடன் மோதலில் ஈடுபட்டதாகவும், அம்வீரர்களைப் பின்வாங்கச் செய்ததாகவும் ஹிஸ்புல்லா தெரிவித்துள்ளது.
மார்ச் 2 முதல் இஸ்ரேலியத் தாக்குதல்களில் 3,371க்கும் மேற்பட்டோர் கொல்லப்பட்டுள்ளதாக லெபனான் சுகாதார அமைச்சகம் தெரிவித்துள்ளது.
பிப்ரவரி 28 அன்று போர் மூண்டபோது, அமெரிக்கா மற்றும் இஸ்ரேலின் தாக்குதல்களில் ஈரானின் உயர் தலைவர் கொல்லப்பட்டதற்குப் பதிலடியாக இஸ்ரேல் மீது தாக்குதல் நடத்தியதாக ஹிஸ்புல்லா தெரிவித்தது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
இடைக்காடு, Muscat, Oman, நியூ யோர்க், United States, Boston, United States
14 May, 2025
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
அளவெட்டி வடக்கு, கொழும்பு, New Jersey, United States, Scarborough, Canada
23 May, 2026
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015