லங்காசிறி FM
நீதிக்காக இறப்பேன்! உதட்டு முத்த சர்ச்சையில் சிக்கிய சங்க தலைவரின் தாய் உண்ணாவிரதம்
ஸ்பெயின் கால்பந்து சங்க தலைவர் லூயிஸ் ரூபியேல்ஸின் தாயார், உண்ணாவிரதத்தின் இரண்டாம் நாளில் நீதிக்காக இறப்பேன் என சபதம் செய்துள்ளார்.
உதட்டு முத்த சர்ச்சை
சிட்னியில் நடந்த மகளிர் உலகக்கோப்பை கால்பந்து இறுதிப் போட்டியில், ஸ்பெயின் வெற்றி பெற்று முதல் முறையாக சாம்பியன் பட்டத்தை வென்றது.
கோப்பையை வென்ற தமது அணி வீராங்கனைகளுக்கு ஸ்பெயின் கால்பந்து சங்க தலைவர் லூயிஸ் ரூபியேல்ஸ் கட்டியணைத்து பாராட்டு தெரிவித்தார்.
அப்போது அவர் ஜென்னி ஹெர்மோசோவின் உதட்டில் முத்தமிட்டது பெரும் சர்ச்சையாக வெடித்தது.
AFP
லூயிஸ் இடைநீக்கம்
அதனைத் தொடர்ந்து அவர் மீது கண்டனங்கள் எழுந்ததைத் தொடர்ந்து லூயிஸ் ரூபியேல்ஸ் இடைநீக்கம் செய்யப்பட்டார்.
ஆனால் அவர் தனது பதவியை ராஜினாமா செய்ய மறுத்துவிட்டதால், ஸ்பெயினின் மகளிர் பயிற்சியாளர்கள் மொத்தமாக ராஜினாமா செய்தனர்.
இந்த நிலையில், லூயிஸ் ரூபியேல்ஸின் தாயார் ஏஞ்சல்ஸ் பெஜார் (72) தனது மகனுக்கு நீதி கிடைக்க வேண்டும், அவர் குற்றமற்றவர் எனக் கூறி உண்ணாவிரதத்தில் ஈடுபட்டுள்ளார்.
லூயிஸின் தாய் சபதம்
ஓய்வு பெற்ற சிகையலங்கார நிபுணரான ஏஞ்சல்ஸ் பெஜார், தேவாலயத்திற்குள் இருப்பதாக அறிக்கைகள் கூறும் நிலையில், அவர் திரவ உணவுகளை மட்டுமே எடுத்துக் கொள்வதாக கூறப்படுகிறது.
தற்போது பேட்டியளித்துள்ள ஏஞ்சல்ஸ் பெஜார், 'படங்களில் காட்டப்பட்டுள்ளபடி, இரு தரப்பிலும் சம்மதம் இருப்பதால் பாலியல் துஷ்பிரயோகம் இல்லை. ஏன் இவரிடம் கொடூரமாக நடந்து கொள்கிறார்கள்? இந்தக் கதையின் பின்னணியில் என்ன இருக்கிறது? அவர் யாருக்கும் தீங்கு செய்ய இயலாதவர். நான் கடவுளை அதிகம் நம்புகிறேன், உண்மையைக் கேட்கிறேன். ஜென்னி ஹெர்மோசோ உண்மையை கூற வேண்டும்' என தெரிவித்துள்ளார்.
மேலும், மலாகாவிற்கு அருகிலுள்ள மோட்ரில் கோஸ்டா ரிசார்ட்டில் உள்ள தனது மத புகலிடத்தில் இருந்து பேசிய ஏஞ்சல்ஸ், 'எனது உடல் இருக்கும் வரை நான் இங்கேயே இருப்பேன். என் மகன் ஒழுக்கமானவன் என்பதால் நீதிக்காக இறப்பதில் எனக்கு கவலையில்லை, அவர்கள் செய்வது நியாயமில்லை' என கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024