அன்டார்டிகாவில் சுவிட்சர்லாந்துக்கு சமமான பாரிய பனித்துளை: விஞ்ஞானிகள் அதிர்ச்சி

Climate Change

By Ragavan Apr 25, 2025 02:57 PM GMT

Ragavan

in சர்வதேசம்

Report

அன்டார்டிகாவின் தெற்குப் பெருங்கடலில் உள்ள மாட் ரைஸ் பகுதியில், சுவிட்சர்லாந்து அளவுக்கு பாரிய பனித்துளை (Polynya) உருவாகியுள்ளது.

கடலுக்கு மேல் உறைந்த பனி சிதறி, கீழே கடல் நீர் வெளிப்படுவதால் உருவாகும் இந்த வகையான பனித்துளைகள் அசாதாரணமானவை அல்ல.

ஆனால் பனித்துளையின் அளவும், நீடித்த காலமும் விஞ்ஞானிகளை சோகத்தில் ஆழ்த்தியுள்ளது.

மாட் ரைஸ் கீழிருக்கும் கடலடி மலை மற்றும் அதனைச் சுற்றியுள்ள வெடல் ஜைர் (Weddell Gyre) என்ற கடல் ஓட்டம், சூடான நீரை மேல் கொண்டு வருவதால் பனி அடியில் இருந்து உருகுகிறது.

2017-ல் இதே இடத்தில் இதுபோன்ற பனித்துளை ஒன்று உருவானதையும், இப்போது மீண்டும் நிகழ்ந்திருப்பதையும் வைத்து, மாட் ரைஸ் ஒரு "பனித்துளை ஹாட்ஸ்பாட்" எனக் கருதப்படுகிறது.

மேலும், உலக வெப்பமடைதலால் ஏற்படும் புயல்கள் மற்றும் வாயு நதிகள் (atmospheric rivers) கூட இந்த பனித்துளையை நீடிக்கச் செய்துள்ளன. இவை பனியை உடைத்து வெளிப்புறம் தள்ளி, மேல்மட்டத்தில் வெப்பத்தை கூட்டுகின்றன.

இந்த பனித்துளைகள், உலக வெப்பநிலை, கார்பன் டைஆக்சைடு வெளியீடு மற்றும் கடல்சார் வெப்ப ஓட்டங்களின் மாற்றத்துடன் தொடர்புடையவை.

எனவே, இது போன்ற நிகழ்வுகள் உலகளாவிய பரிணாமங்களில் பெரும் தாக்கத்தை ஏற்படுத்தும் என்பதை விஞ்ஞானிகள் எச்சரிக்கின்றனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

Antarctica Ice Hole, Maud Rise Polynya, Antarctica Climate Change, Sea Ice Melting Antarctica, Global Ocean Circulation, Antarctic Storms and Ice Loss, Climate Change Effects 2025, Weddell Sea Polynya, CO2 Release from Ocean, Extratropical Storms Antarctica

மேலும் சர்வதேசம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்