கொல்கத்தாவில் மெஸ்ஸி நிகழ்ச்சியில் கலவரம்: ஏற்பாட்டாளர் கைது

கொல்கத்தாவில் மெஸ்ஸி கலந்துகொண்ட நிகழ்ச்சியில் ஏற்பட்ட குழப்பம் தொடர்பாக, நிகழ்ச்சி ஏற்பாட்டாளர் கைது செய்யப்பட்டுள்ளார்.

அர்ஜென்டினாவைச் சேர்ந்த உலகப் புகழ்பெற்ற கால்பந்தாட்ட ஜாம்பவான் லியோனல் மெஸ்ஸி கலந்து கொண்ட கொல்கத்தா சால்ட் லேக் ஸ்டேடியம் நிகழ்ச்சி, குழப்பத்தால் கலவரமாக மாறியது.

2027-க்குள் ஐரோப்பிய ஒன்றியத்தில் இணையும் உக்ரைன் - அமெரிக்காவின் சமாதான திட்டம்

ரசிகர்கள் அதிக அளவில் திரண்டதால், நிகழ்ச்சி முறையாக நடைபெறவில்லை. பலர் ஏமாற்றமடைந்த நிலையில், பொருட்கள் சேதப்படுத்தப்பட்டதுடன், வன்முறைச் சம்பவங்கள் நடந்தன. 

இதையடுத்து, நிகழ்ச்சியின் முக்கிய ஏற்பாட்டாளர் சதாத்ரு தத்தாவை கொல்கத்தா பொலிஸார் கைது செய்துள்ளனர். அவர் விமான நிலையத்தில் கைது செய்யப்பட்டதாக அதிகாரிகள் கூறியுள்ளார்.

இந்த நிகழ்ச்சியில் கடுமையான மேலாண்மை குறைபாடுகள் இருந்ததாகவும், ரசிகர்கள் மிகவும் மோசமாக நடத்தப்பட்டதாகவும், இதுபோன்ற தவறுகளை ஏற்றுக்கொள்ளமுடியாது என்றும் பொலிஸார் தெரிவித்துள்ளனர்.

கொல்கத்தா பொலிஸ் கமிஷனர் ராஜீவ் குமார், “இவ்வாறான தவறான ஏற்பாடுகள் ஏற்றுக்கொள்ள முடியாது. முழுமையான விசாரணை நடைபெறும். சம்பந்தப்பட்ட நபர்கள் மீதும் சட்டப்படி நடவடிக்கை எடுக்கப்படும்” என்றும் கூறியுள்ளார்.

மேலும், ரசிகர்களுக்கு டிக்கெட் தொகையை திருப்பித் தர ஏற்பாட்டாளர்களுக்கு காவல்துறை உத்தரவிட்டுள்ளது.

ட்ரம்ப் இந்தியா மீது விதிக்கப்பட்ட 50 சதவீத சுங்க வரியை நீக்க முயற்சி

நிகழ்ச்சியில் தண்ணீர் போத்தல்கள் அனுமதிக்கப்படவில்லை என முன்பு அறிவிக்கப்பட்டிருந்ததாகவும், பின்னர் ரூ.200 வரை விலை உயர்த்தப்பட்ட தண்ணீர் போத்தல்கள் விற்கப்பட்டதாகவும் ரசிகர்கள் புகார் அளித்துள்ளனர்.

இந்த சம்பவம், உயர்நிலை சர்வதேச நிகழ்ச்சிகளுக்கான கூட்ட மேலாண்மை மற்றும் திட்டமிடல் குறித்த கேள்விகளை எழுப்பியுள்ளது. ரசிகர்கள், “ரூ.41,000 செலுத்தியும் மெஸ்ஸியை 10 நிமிடங்கள்கூட பார்க்க முடியவில்லை” எனக் கடும் அதிருப்தி தெரிவித்துள்ளனர்.

மெஸ்ஸி பாதுகாப்பு காரணங்களால் நிகழ்ச்சியை முன்கூட்டியே விட்டு வெளியேறினார். நிகழ்ச்சியில் ஏற்பட்ட இந்த குழப்பம், இந்தியாவில் கால்பந்து ரசிகர்களின் ஆர்வத்தையும், ஏற்பாட்டின் குறைபாடுகளையும் வெளிப்படுத்தியுள்ளது.

அமெரிக்க வட்டி விகிதம் குறைப்பால் தங்கம் சரிவு - வெள்ளி புதிய சாதனை

Lionel Messi Kolkata Salt Lake Stadium chaos, Messi India GOAT Tour 2025 fan unrest, Satadru Dutta arrested event mismanagement, Kolkata Police ticket refund directive Messi show, Mamata Banerjee reaction Messi event disorder, Argentina World Cup winner India visit Kolkata, Fans protest Rs 41,000 ticket Messi disappointment, Water bottles overpriced Salt Lake Stadium row, Crowd management failure Messi India football tour, Messi leaves Kolkata early security concerns