லங்காசிறி FM
Cursor தளத்தை வாங்கிய எலான் மஸ்க் - 25 வயதில் பில்லியனரான இந்திய வம்சாவளி அமன் சங்கர்
Cursor தளத்தை எலான் மஸ்க் வாங்கியதன் மூலம், அதன் இணை நிறுவனரான அமன் சங்கர் பில்லியனராக உருவெடுத்துள்ளார்.
கர்சர் AI
கர்சர்(Cursor) என்பது ஒரு AI கோடிங் தளமாகும். மென்பொருள் வல்லுநர்கள் இந்தத் தளத்தைப் பயன்படுத்தி, தங்கள் திட்டப்பணிகளுக்காகக் கோடிங் எழுத AIயை பயன்படுத்தலாம்.
2022 ஆம் ஆண்டில் தொடங்கப்பட்ட இந்த தளம், 2026 ஆம் ஆண்டின் தொடக்கத்தில் 29.3 பில்லியன் டொலர் மதிப்பீட்டை அடைந்ததுடன், ஆண்டுதோறும் திரும்பப் பெறும் வருவாயில் 3 பில்லியனை டொலரை தாண்டியது.
இந்நிலையில், எலோன் மஸ்கின் ஸ்பேஸ் எக்ஸ் நிறுவனம், கர்சர் தளத்தின் தாய் நிறுவனமான Anysphere ஐ, 60 பில்லியன் டொலருக்கு வாங்கியுள்ளது.
இந்த நிறுவனத்தை, அமெரிக்காவின் MIT பல்கலைகழகத்தில் படித்து வந்த அமன் சங்கர், மைக்கேல் ட்ரூயல், சுவாலே ஆசிஃப் மற்றும் அர்விட் லுன்மார்க் ஆகிய 4 பேரும் இணைந்து உருவாக்கியுள்ளனர்.
அமன் சங்கர்
இதில், அமன் சங்கர்(aman sanger) இந்திய வம்சாவளியை சேர்ந்தவர் ஆவார். இவரது தந்தை அரவிந்த் சங்கர், ஐஐடி பம்பாயின் முன்னாள் மாணவரும் ஹெட்ஜ் ஃபண்ட் நிபுணரும் ஆவார். அவரது தாய் ஷில்பா சங்கர், பல் சீரமைப்பு நிபுணரும் தொழில்முனைவோரும் ஆவார்.
14 வயதிலே கோடிங் எழுத தொடங்கிய அமன் சங்கர், கர்சரை தொடங்குவதற்கு முன்பு, பிரிட்ஜ்வாட்டர் அசோசியேட்ஸ் என்ற ஹெட்ஜ் ஃபண்ட் நிறுவனத்திலும், கூகிளிலும் பயிற்சி பெற்றார். மேலும், சொந்தமாக செயற்கை நுண்ணறிவு ஆலோசனை நிறுவனத்தையும் நடத்தி வந்தார்.
இதே போல், சுவாலே ஆசிஃப் பாகிஸ்தானின் கராச்சியை பூர்விகமாக கொண்டவர் ஆவார். இவர் 2016 முதல் 2018 வரை தொடர்ந்து 3 ஆண்டுகள் சர்வதேச கணித ஒலிம்பியாட் போட்டிகளில் பாகிஸ்தானைப் பிரதிநிதித்துவப்படுத்தி வெண்கலப் பதக்கத்தை வென்றார்.
Anysphere ன் தலைமை செயல்பாட்டு அதிகாரியாக உள்ள அமன் சங்கர் உள்ளிட்ட இணை நிறுவனர்கள் அனிஸ்பியரில் தலா சுமார் 4.5 சதவீத பங்குகளை வைத்துள்ளனர்.
இதனால், 4 பேரும் தலா 2.7 பில்லியன் டொலர் சம்பாதித்து பில்லியனர்களாக உருவெடுப்பார்கள். இந்த 2.7 பில்லியன் டொலருக்கு ஸ்பேஸ் எக்ஸ் நிறுவனத்தில் பங்குகளை பெறுவார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
