குஜராத்தில் விபத்துக்குள்ளான அதிநவீன ஆளில்லா விமானம்: இந்திய கடற்படை தீவிர விசாரணை

இந்திய கடற்படைக்கு சொந்தமான ஆளில்லா விமானம் குஜராத் அருகே விபத்துக்குள்ளான சம்பவம் அதிர்ச்சியை ஏற்படுத்தியுள்ளது.

விபத்துக்குள்ளான ஆளில்லா விமானம்

இந்திய கடற்படைக்கு சொந்தமான அதிநவீன Drishti-10 Starliner ரக ஆளில்லா விமானம் குஜராத்தில் போர்பந்தர் பகுதியில் அருகே பயிற்சியின் போது விபத்துக்குள்ளானது.

நேற்று வழக்கமான பயிற்சிக்காக போர்பந்தரில் உள்ள ஓடுதளத்தில் இருந்து புறப்பட்ட Drishti-10 Starliner ரக ஆளில்லா விமானம் திடீரென கட்டுப்பாட்டை இழந்து தரம்பூர் கிராமத்தின் நேஷ் பகுதிக்கு அருகே விழுந்து நொறுங்கியது.

Indian Navy's Drishti -10 UAV crashed in Porbandar
pic.twitter.com/iwUf61IOUg

— Zorawar Singh (@ZoraSingh36079) July 8, 2026

இந்த சம்பவத்தை தொடர்ந்து கடற்படை தொழில்நுட்ப வல்லுநர்கள், பொலிஸார், தீயணைப்பு படையினர் ஆகியோர் சம்பவ இடத்துக்கு விரைந்தனர்.

மேலும் ட்ரோன் விழுந்த சத்தம் கேட்டு அப்பகுதியை சுற்றியுள்ள உள்ளூர் கிராம மக்களும் அப்பகுதியில் குவிந்தனர்.

தலைமறைவாக உள்ள சதிந்தர்ஜித் சிங்: 50000 டொலர் பரிசு தொகை அறிவித்த FBI

விசாரணை தீவிரம்

இந்நிலையில் Drishti-10 Starliner ரக ஆளில்லா விமானம் விபத்துக்குள்ளானது பல்வேறு சந்தேகங்களை ஏற்படுத்தியுள்ளது.

மேலும் இந்திய கடற்படை அதிகாரிகள்  விபத்துக்கான துல்லியமான காரணம் குறித்து தீவிரமான விசாரணை முன்னெடுத்து வருகின்றனர்.

Indian Navy UAV 'Drishti-10' crashes near Porbandar city during training sortie; no casualties.

The UAV crash-landed in an open field at Dharampur village, around 6km from the coastal city in the Saurashtra region, Porbandar District Collector S D Dhanani said.

The cause of the… pic.twitter.com/tczGo932M7

— News Arena India (@NewsArenaIndia) July 8, 2026

இந்த விபத்து தொழில்நுட்ப கோளாறு காரணமாக ஏற்பட்டதா? திடீர் வானிலை மாற்றம் விபத்துக்கு காரணமா? அல்லது வேறு ஏதேனும் வெளிப்புற காரணிகள் காரணமா என அதிகாரிகள் தீவிர விசாரணை நடத்தி வருகின்றனர்.

Drishti-10 Starliner ரக ஆளில்லா விமானம் இந்தியாவில் தயாரிக்கப்பட்ட முதல் உள்நாட்டு MALE(Medium Altitude Long Endurance) ஆளில்லா விமான வகை ட்ரோன் ஆகும் என்பது குறிப்பிடத்தக்கது.