Nvidia மற்றும் ஜென்சன் ஹுவாங் மீது வழக்குப்பதிவு: ஏமாற்றப்பட்டதாக முதலீட்டாளர்கள் புகார்

Nvidia and CEO Jensen Huang sued by their Shareholder: சீன உளவாளி தொடர்பான சர்ச்சையை தொடர்ந்து Nvidia மற்றும் அதன் தலைமை செயல் அதிகாரி ஜென்சன் ஹுவாங் மீது வழக்குப்பதிவு செய்யப்பட்டுள்ளது.

Nvidia மற்றும் ஜென்சன் ஹுவாங் மீது வழக்குப்பதிவு

முதலீட்டாளர்களை ஏமாற்றியதாக உலகின் முன்னணி குறைக்கடத்தி(Semiconductor) உற்பத்தி நிறுவனமான என்விடியா(Nvidia) மற்றும் அதன் தலைமை செயல் அதிகாரி ஜென்சன் ஹுவாங்(Jensen Huang) மீது வழக்குப்பதிவு செய்யப்பட்டுள்ளது.

சீன உளவு அமைப்பை சேர்ந்த ஆலிஸ் ஹவாங்(Alice Huang) என்ற பெண்ணுடன் தனது திருமணத்திற்கு அப்பாற்பட்ட தொடர்பில் இருந்ததுடன் அதனை மறைத்ததன் மூலம் முதலீட்டாளர்களுக்கு துரோகம் செய்துவிட்டதாக இந்த வழக்கில் குற்றஞ்சாட்டப்பட்டுள்ளது.

CNN reports on Jensen Huang and his extramarital affair partner Alice Huang...Note the language Financial Times uses: ‘romantic relationship’… https://t.co/M45Nt5Iabq

— luke (@realLuke007) November 8, 2026

கலிபோர்னியாவின் San Jose கூட்டாட்சி நீதிமன்றத்தில் இந்த வழக்கானது தாக்கல் செய்யப்பட்டுள்ளது.

Nvidia CEO Jensen Huang-ஐ சுற்றியுள்ள உளவு புகார்கள்: யார் இந்த ஆலிஸ் ஹவாங்?

இந்த வழக்கின் மனுவில், Nvidia மற்றும் CEO ஜென்சன் ஹுவாங், சீன உளவு அமைப்பின் முகவராக செயல்பட்டதாக கூறப்படும் தொழிலதிபர் ஆலிஸ் ஹுவாங் என்பவருடன் கொண்டிருந்த தொடர்பை மறைத்து, பங்குதாரர்களை தவறாக வழிநடத்தியதாக புகார் அளிக்கப்பட்டுள்ளது.

மேலும் இந்த செயல் நாட்டின் பாதுகாப்பிற்கு மிகப்பெரிய அச்சுறுத்தலை ஏற்படுத்தி இருப்பதோடு, Nvidia-வின் எதிர்கால வர்த்தகத்திற்கும், நற்பெயருக்கும் பாதிப்பை ஏற்படுத்தியுள்ளது என்பதையும் முதலீட்டாளர்களிடம் மறைத்ததாக குற்றஞ்சாட்டப்பட்டுள்ளது.

இதற்கிடையில் சீன உளவாளி தொடர்பான விவகாரத்தை அமெரிக்காவின் புலனாய்வு அமைப்பான FBI விசாரணை நடத்தி வருவதாக அமெரிக்க அதிபர் டொனால்ட் டிரம்ப் வெள்ளை மாளிகையில் செய்தியாளர்களிடம் தெரிவித்துள்ளார்.