மாதம் ரூ.1 கோடி ; ஹார்மோஸ் வழியாக கப்பல்களை இயக்கும் கேப்டன்களுக்கு ஊதியம்

oil tankers captains get 1cr salary plus bonus for cross strait of homruz: ஹார்மோஸ் நீரிணை வழியாக கப்பல்களை இயக்கும் கேப்டன்களுக்கு, மாதம் ரூ.1 கோடி ஊதியம் மற்றும் ஒரு பயணத்திற்கு ரூ.48 லட்சம் போனஸ் வழங்கப்படுகிறது.

ஹார்மோஸ் நீரிணையில் தாக்கப்படும் கப்பல்கள்

ஈரான் மீதான அமெரிக்கா தாக்குதல் தொடங்கியதில் இருந்து, ஹார்மோஸ் நீரிணையை ஈரான் மூடியுள்ளது.

அமெரிக்கா உடனான அமைதி பேச்சுவார்த்தை தோல்வியடைந்த நிலையில், ஹார்மோஸ் நீரிணையை கடக்கும் வர்த்தக கப்பல்கள் மீதான தாக்குதலை ஈரான் தீவிரப்படுத்தியுள்ளது. 

பிப்ரவரி 28 முதல் குறைந்தது 93 கப்பல்கள் தாக்கப்பட்டுள்ளன. இந்த தாக்குதலில், 24 மாலுமிகள் உயிரிழந்துள்ளனர். இதில், கடந்த 20 நாட்களில் குறைந்தது 14 தாக்குதல்கள் நடந்துள்ளன.

ஒரு வாரத்திற்கு முன்பு இதே நாளில் 24 கப்பல்கள் சென்ற நிலையில், அக்டோபர் 4 ஆம் திகதி 13 கப்பல்கள் மட்டுமே கடந்து சென்றது. 

முடிவுக்கு வரும் ரஷ்யா - உக்ரைன் போர்? 3 அம்ச சமாதான திட்டத்தை அனுப்பிய இந்தியா

கப்பல் கேப்டன்களுக்கு ரூ.1 கோடி ஊதியம்

இந்நிலையில், கப்பல் மாலுமிகளை தக்க வைக்கும் நோக்கில், கப்பல் கேப்டன்களுக்கு 1 லட்சம் டொலர்(இந்திய மதிப்பில் சுமார் ரூ.96 லட்சம்) வரை கப்பல் உரிமையாளர்கள் மாத ஊதியம் வழங்குகின்றனர்.

மேலும், ஒவ்வொரு கப்பல் பயணத்திற்கும் 50,000 டொலர்(இந்திய மதிப்பில் சுமார் ரூ.48 லட்சம்) போனஸ் வழங்கப்படுகிறது. 

சாதராண சூழ்நிலைகளில், கப்பல் கேப்டன்களுக்கு பொதுவாக மாதச் சம்பளம் 15,000 டொலர்(இந்திய மதிப்பில் சுமார் ரூ.14 லட்சம்) வழங்கப்பட்டு வந்தது. 

ஹோர்முஸில் கப்பல் மீதான தாக்குதலில் 11 இந்தியர்கள் காயம்

கப்பல் கேப்டன்களுக்கு மட்டுமல்லாது 1,500 டொலர் ஊதியம் பெற்ற மாலுமிகளும், தற்போது 6 மாத அதிக உயர்வு வழங்கப்படுகிறது.

சில சமயங்களில், விருப்பமில்லாத பணியாளர்கள் மறுத்தால், அவர்களுக்குப் பதிலாக வேறு மாலுமிகள் நியமிக்கப்படுகிறார்கள்.

அதேவேளையில், அவர்களைத் தாயகம் திரும்ப அழைத்து வருவதற்கான செலவுகள் அவர்களின் ஊதியத்திலிருந்து கழிக்கப்படும் என்றும் எச்சரித்து, அவர்களைப் பயணம் செய்ய உரிமையாளர்கள் அழுத்தம் கொடுக்கின்றனர்.

உலகின் 20 சதவீத எரிபொருள் விநியோகம் நடைபெறும் இந்த பாதை வழியே, முன்பு ஒவ்வொரு நாளும் சுமார் 135 கப்பல்கள் கடந்து சென்றன. 

மேலும், இந்த சூழலில் டேங்கர் கப்பலை இயக்குவதற்கு உரிமையாளர்கள்,அதிகரித்துள்ள செலவுகளை எதிர்கொள்கின்றனர்.

ஒரு சூப்பர்டேங்கர் கப்பலைப் பொறுத்தவரை, வளைகுடாவிற்குள் மேற்கொள்ளும் ஒரே ஒரு பயணத்திற்கு மட்டும் 20 மில்லியன் டொலர்(இந்திய மதிப்பில் சுமார் ரூ.193 கோடி) வரை போர் காப்பீட்டுச் செலவு ஆகலாம்.