சவுதி அரேபியாவை தாக்கிய ஹவுதி - மெக்கா ஒப்பந்தத்தில் இராணுவ நடவடிக்கையை மறுத்த பாகிஸ்தான்

Pakistan declines military action on Mecca Pact: சவுதி அரேபியாவை ஈரான் ஆதரவு ஹவுதி கிளர்ச்சியாளர்கள் தாக்கிய நிலையில், பாகிஸ்தான் தனது நிலைப்பாட்டை வெளிப்படுத்தியுள்ளது.

இராணுவ நடவடிக்கையை மறுத்த பாகிஸ்தான்

மெக்கா ஒப்பந்தம் (Mecca Pact) படி, சவுதி அரேபியா, பாகிஸ்தான், துருக்கி ஆகிய நாடுகள் ஒருவர்மீது தாக்குதல் நடந்தால், அது மூவர்மீதும் தாக்குதல் எனக் கருதப்படும் என ஒப்பந்தத்தில் குறிப்பிடப்பட்டுள்ளது.

ஆனால், பாகிஸ்தான் வெளிநாட்டு அமைச்சக செய்தித் தொடர்பாளர் சஜ்ஜாத் ஹைதர் கான் தெரிவித்ததாவது: “இப்போதைக்கு இராணுவ நடவடிக்கை எதுவும் பேசப்படவில்லை. காலம் வரும் போது, ஒப்பந்தத்தின் படி செயல்படுவோம்” எனக் கூறினார்.

சமீபத்தில் நடந்த ஹவுதி தாக்குதலில், சவுதி அரேபியாவில் 70-க்கும் மேற்பட்டோர் காயமடைந்தனர், எண்ணெய் நிலையங்கள் மற்றும் பல வசதிகள் சேதமடைந்தன. இதனால், பாகிஸ்தான் சவுதி அரேபியாவுக்கு நேரடியாக இராணுவ உதவி வழங்குமா என்ற கேள்வி எழுந்தது.

பாகிஸ்தான் பாதுகாப்பு அமைச்சர் கவாஜா அசிஃப், மெக்கா ஒப்பந்தத்தை நேட்டோவின் Article 5-க்கு ஒப்பிட்டார். அதாவது, ஒரு உறுப்பினர்மீது தாக்குதல் நடந்தால், அது அனைவர்மீதும் தாக்குதல் எனக் கருதப்படும். ஆனால், ஒப்பந்தத்தில் குறிப்பிட்ட இராணுவ நடவடிக்கைகள் தெளிவாக வரையறுக்கப்படவில்லை.

ஜோர்டானில் ஈரான் ஏவுகணை தாக்குதலில் அமெரிக்க விமானங்கள் சேதம்

வல்லுநர்கள் கருத்து

இது நேட்டோ போன்ற கூட்டமைப்பு அல்ல, புதிய பிராந்திய கூட்டணி உருவாகவில்லை. பாகிஸ்தான் தனது உள்நாட்டு பொருளாதார சவால்களையும், அமெரிக்கா-ஈரான் இடையேயான நடுவர் நிலைப்பாட்டையும் கருத்தில் கொண்டு, நேரடி இராணுவ நடவடிக்கையைத் தவிர்க்க விரும்புகிறது என தெரிவித்துள்ளனர்.

சவுதி அரேபியாவுக்கு பாகிஸ்தானுடன் ஏற்கனவே பாதுகாப்பு ஒப்பந்தம் உள்ளது. மேலும், Gulf Cooperation Council (GCC) உடன் 2000 முதல் கூட்டுப் பாதுகாப்பு ஒப்பந்தத்தில் உள்ளது. ஆனால், இவை நேட்டோவின் Article 5 போல தானாகவே இராணுவ நடவடிக்கையைத் தூண்டவில்லை.

பிரித்தானியாவில் அழிவின் விளிம்பில் 70 சதவீத கடல் பறவைகள்