லங்காசிறி FM
அணு ஆயுதத்தை பயன்படுத்தும் நோக்கம் இல்லை! இந்தியாவுடனான மோதல் குறித்து பாகிஸ்தான் பிரதமர் உறுதி!
இந்தியாவுடனான அண்மைய நான்கு நாள் பதற்றம் அதிகரித்ததை தொடர்ந்து, எந்தவொரு மோதலிலும் அணு ஆயுதங்களை பயன்படுத்தும் திட்டம் தங்களுக்கு இல்லை என்று பாகிஸ்தான் பிரதமர் ஷெபாஸ் ஷெரீப் திட்டவட்டமாகத் தெரிவித்துள்ளார்.
பஹல்காம் தாக்குதல்
பஹல்காம் பயங்கரவாதத் தாக்குதலுக்குப் பிறகு ஏற்பட்ட தீவிரமான மோதல்களின் பின்னணியில் இந்த அறிக்கை வெளியாகியுள்ளது.
தாக்குதலுக்குப் பதிலடியாக, இந்தியா "ஆபரேஷன் சிந்தூர்" என்ற ராணுவ நடவடிக்கையைத் தொடங்கி, பாகிஸ்தானில் உள்ள பயங்கரவாத முகாம்களை தாக்கி அழித்தது.
இதைத் தொடர்ந்து, பாகிஸ்தான் இந்திய எல்லையோர மாநிலங்களைத் தாக்கியது. எனினும், இந்தத் தாக்குதல்கள் இந்திய ராணுவத்தால் இடை மறிக்கப்பட்டு, "தகுந்த பதிலடி" கொடுக்கப்பட்டது.
அணுசக்தி வல்லமை படைத்த இரு நாடுகளுக்கும் இடையிலான இந்த மோதல் உலக நாடுகளிடையே பெரும் கவலையை ஏற்படுத்தியது. இருப்பினும், இரு தரப்பு பேச்சுவார்த்தைகள் மூலம் இந்த மோதல் முடிவுக்கு கொண்டுவரப்பட்டது.
பாகிஸ்தான் பிரதமர் ஷெபாஸ் ஷெரீப் உரை
சனிக்கிழமை இஸ்லாமாபாத்தில் மாணவர்களிடையே உரையாற்றிய பிரதமர் ஷெரீப், சமீபத்திய மோதலை நினைவு கூர்ந்தார்.
இந்த மோதலில் 55 பேர் உயிரிழந்தனர். "எங்கள் அணுசக்தி திட்டம் முற்றிலும் நாட்டின் தற்காப்பிற்கானது. அதன் நோக்கம் அமைதியை நோக்கியது, தாக்குதல் நடத்துவது அல்ல. இந்தியாவின் தாக்குதலுக்கு நாங்கள் பதிலடி கொடுத்தோம்" என்று அவர் வலியுறுத்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
